ރާއްޖެ
ގެއްލުނު މީހާ ފެނުން
ގެއްލިގެން ހޯދަމުންދިޔަ ފުވައްމުލަކު މީހާ މާލެއިން ފެނިއްޖެ
ހަސަން ޖަމީލުގެ ހާލު ރަނގަޅުކަމަށް ފުލުހުން ބުނޭ
އާއިޝަތު ޝިއުރާ, ރާއްޖެ އެމްވީ | 13 މެއި 2023 | ހޮނިހިރު 16:06
ގެއްލިގެން ހޯދަމުންދާ މީހާ
ގެއްލިގެން ހޯދަމުންދިޔަ ފުވައްމުލަކު މީހާ ހޮނިހިރު ދުވަހު މާލެ ސިޓީން ފެނިފައިވާކަމަށް ދިވެހި ފުލުހުންގެ ޚިދުމަތުން ބުނެފިއެވެ.
ހުކުރު ދުވަހު ފުލުހުން ބުނީ ޏ. ފުވައްމުލައް / ދޫޑިގަން، ރަންދެލިގެ އުމުރުން 30 އަހަރުގެ ހަސަން ޖަމީލްގެ ޚަބަރެއްނުވެ އާއިލާއަށް ގެއްލިފައިވާ ކަމަށް މެއި 9 ވަނަ ދުވަހުގެ ރޭ ރިޕޯޓުކޮށްފައިވާ ކަމަށެވެ. ފުލުހުން ބުނިގޮތުގައި އޭނާ އެންމެ ފަހުން އާއިލާއަށް ޚަބަރެއް ވެފައިވަނީ މެއި 7 ވަނަ ދުވަހުއެވެ.
ހަސަން ޖަމީލު ހޯދުމުގެ މަސައްކަތްކުރަމުން އަންނަނިކޮށް ހޮނިހިރު ދުވަހެއްގެ ވަގުތެއްގައި އޭނާ ފެނިފައިވާކަމަށާއި އޭނާގެ ހާލު ރަނގަޅުކަމަށް ފުލުހުން ބުނެއެވެ.
