ސަލީބާ އާއި ޒިންޗެންކޯ އަށް ސީޒަން ނިމި އާސެނަލްގެ އުއްމީދުތައް ފަނޑުވެއްޖެ
މުހިންމު ދެ ކުޅުންތެރިއަކަށް އަނިޔާވުމުން ޓީމަށް އަސަރު ކުރާނެ: ކޯޗު
ޒިންޗެންކޯ (ވ) އާއި ސަލީބާ: ދެ ކުޅުންތެރިންނަށް ވެސް ވަނީ ސީޒަން ނިމިފައި
އިނގިރޭސި ޕްރެމިއާ ލީގު ކާމިޔާބު ކުރަން އަމާޒު ހިފާފައިވާ އާސެނަލްގެ ފުރަތަމަ 11ގެ މުހިންމު ދެ ޑިފެންޑަރުން ކަމަށްވާ ވިލިއަމް ސަލީބާ އާއި ޒިންޗެންކޯ އަށް އަނިޔާވެ މި ސީޒަނުގައި ދެން ނުކުޅެވޭނެކަން ކަށަވަރުވެއްޖެ އެވެ.
މިއީ އިނގިރޭސި ޕްރެމިއާ ލީގު ހޯދުމަށް އާސެނަލް ކުރާ މަސައްކަތް މުޅިން މަޑުޖެހުން ކަމަށް ގިނަ ބަޔަކު މިހާރު ވަނީ ސިފަކުރަން ފަށައިފަ އެވެ. ސަބަބަކީ ދެވަނާގައި އޮތް އާސެނަލްއަށްވުރެ އެންމެ ފަހުގެ ޗެމްޕިއަން މެންޗެސްޓާ ސިޓީ އެއް ޕޮއިންޓް ކުރީގައި އޮތީ އެއް މެޗު މަދުން ކުޅެގެން ކަމަށްވާތީ އެވެ.
ސިޓީއިން މި ސީޒަނުގައި ގެނައި ޒިންޗެންކޯ އަށް އަނޔާވީ މިދިޔަ ހަފުތާގައި ކުޅުނު ނިއުކާސަލް މެޗުގަ އެވެ. ސަލީބާ އަށް އަނިޔާވީ މިދިޔަ މާޗު މަހު އެވެ. އޭގެ ފަހުން އޭނާ ބައެއް މެޗުތައް ކުޅެފައިވަނީ ވަގުތީ ފަރުވާ ހޯދައިގެންނެވެ.
ކޯޗު މައިކަލް އާޓެޓާ ބުނީ މުހިންމު ދެ ކުޅުންތެރިއަކަށް އަނިޔާވުމުން ޓީމަށް އަސަރު ކުރާނެ ކަމަށާއި ތަށި ހޯދުމަށް ކުރިއަށް އޮތް ތިން މެޗުން ވެސް މޮޅުވާން އޭނާގެ ޓީމުން ބޭނުންވާ ކަމަށެވެ.
މި ސީޒަނުގައި ބޮޑު ބައެއްގައި ޓޭބަލުގެ ކުރީގައި އޮތް އާސެނަލް ދެވަނަ އަށް ވެއްޓުނީ އަނިޔާގެ މައްސަލަތަކާއެކު މިދިޔަ މާޗު މަހު ކުޅުނު ގިނަ މެޗުތަކުގައި ނަތީޖާ ނުނެރެވުމުންނެވެ.
