އާރުޓީއެލް ފެރީގެ ޚިދުމަތާ ގުޅޭގޮތުން ސޯޝިއޯ-އިކޮނޮމިކް ސްޓަޑީއެއް ހަދައިދޭނެ ބަޔަކު ހޯދަނީ
ބީލަން ހުށަހަޅާނީ 22 މެއި ވާ ހޯމަ ދުވަހުގެ ހެނދުނު 11:00 ގެ ކުރިން
އާރް.ޓީ.އެލް ފެރީ
އިންޓަގްރޭޓެޑް ނެޝަނަން ޕަބްލިކް ފެރީ ނެޓްވޯކް ޕްރޮޖެކްޓް، ރާއްޖެ ޓްރާންސްޕޯޓް ލިންކް (އާރް.ޓީ.އެލް) އާއި ގުޅޭގޮތުން ސޯޝިއޯ-އިކޮނޮމިކް ސްޓަޑީ އެއް ހަދައިދޭނެ ފަރާތެއް ހޯދުމަށް މިނިސްޓްރީ އޮފް ނެޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ އިން އިއުލާންކޮށްފިއެވެ.
މިނިސްޓްރީން ކުރި އިއުލާނުގައި ބުނެފައިވަނީ މި މަސައްކަތަށް ބީލަން ހުށަހެޅުމުގެ ދަޢުވަތު މިކަމަށް ޝަރުތުހަމަވާ ހުރިހާ ފަރާތްތަކަށް ހުޅުވާލާކަމަށެވެ.
ބީލަމާއި ގުޅޭ މަޢުލޫމާތު ސެޝަން 17 މެއި ވާ ބުދަ ދުވަހުގެ ހެނދުނު 11:00 ގައި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގައި ބޭއްވުމަށް ވަނީ ހަމަޖެހިފައެވެ.
އިޢުލާނާއި ގުޅޭގޮތުން އިތުރު މަޢުލޫމާތު ސާފުކުރައްވަން ބޭނުންވާނަމަ 21 މެއި ވާ އާދީއްތަ ދުވަހުގެ މެންދުރު 12:00 ގެކުރިން އީމެއިލް ކުރުމަށް ވަނީ އެދިފައެވެ.
ބީލަން ހުށަހަޅާނީ 22 މެއި ވާ ހޯމަ ދުވަހުގެ ހެނދުނު 11:00 ގެ ކުރިން މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ރިސެޕްޝަނަށެވެ. ބީލަން ހުޅުވުމަށް ހަމަޖެހިފައިވަނީ 22 މެއި ވާ ހޯމަ ދުވަހުގެ ހެނދުނު 11:00 ގައި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގައެވެ.
އާރްޓީއެލްގެ ފެރީގެ ހިދުމަތް ރައީސުލްޖުމްހޫރިއްޔާ އިބްރާހީމް މުހައްމަދު ސާލިޙުގެ ސަރުކާރުން ހދ. އަތޮޅުގައި ފެށީ މިދިޔަ އަހަރުގެ މެއި މަހުގެ ފަސްވަނަ ދުވަހު އެވެ. ނަމަވެސް އާރްޓީއެލްގެ ޚިދުމަތް ރަސްމީކޮށް ފެށީ ޖޫން 12، 2022 ގައެވެ.
ޚިދުމަތަށް އަހަރެއްވީއިރު މިޚިދުމަތް 262,327 މީހުން ބޭނުންކޮށްފައިވެއެވެ.
