އިންޓަރ ސްކޫލް އެތުލެޓިކްސް: 47 ސްކޫލަކުން 1500 ދަރިވަރުން ވާދަކުރާނެ
11 މެއި 2023 | ބުރާސްފަތި 03:37ޗެމްޕިއަންޝިޕް ފަށާނީ އަންނަ އާދިއްތަ ދުވަހު
23 ވަނަ އިންޓަރ-ސްކޫލް އެތުލެޓިކްސް ޗެމްޕިއަންޝިޕްގެ ތެރެއިން
އަންނަ އާދިއްތަ ދުވަހު ފަށާ އިންޓަރ ސްކޫލް އެތުލެޓިކްސް ޗެމްޕިއަންޝިޕްގައި 47 ސްކޫލަކުން ވާދަކުރާނެކަމަށް އެތުލެޓިކްސް އެސޯސިއޭޝަނުން ބުނެފިއެވެ. އޭގެތެރޭގައި ކޮލެޖްތައް ވެސް ހިމެނެއެވެ.
މުބާރާތުގައި ވާދަކުރާ 47 ސްކޫލްގެ ތެރޭގައި ކުޅުދުއްފުށި ސިޓީއާއި އައްޑޫ ސިޓީގެ 12 ސްކޫލް ހިމެނެއެވެ. އަދި އަތޮޅުތަކުން 13 ސްކޫލް ވާދަކުރެއެވެ. އޭގެތެރޭގައި އުތުރާއި ދެކުނުގެ ރަށްތައް ހިމެނެއެވެ. މާލެއިން 22 ސްކޫލް ވާދަކުރާނެއެވެ. މިފަހަރުގެ ޗެމްޕިއަންޝިޕްގެ އެކި އިވެންޓްތަކުގައި 1500 ދަރިވަރުން ވާދަކުރާނެއެވެ. މިދިޔަ އަހަރުގެ މުބާރާތުގައި ވެސް 47 ސްކޫލަކުން 1500 އަށްވުރެ ގިނަ ދަރިވަރުން ވާދަކުރިއެވެ.
މުބާރާތް އޮންނާނީ މިމަހުގެ 14 ން 19 އަށް ހުޅުމާލޭގައެވެ. އެތުލެޓިކްސްގެ ޤައުމީ ޓީމަށް ކުޅުންތެރިން ފާހަގަކުރާ އެންމެ ބޮޑު ހަރަކާތަކީ އިންޓަރ ސްކޫލް މުބާރާތެވެ.
