800 އަށްވުރެ ގިނަ އެތުލެޓީނުންނާއެކު އިންޓަރ ސްކޫލް އެތުލެޓިކްސް މީޓް ފުވައްމުލަކު ސިޓީގައި ފަށައިފި
33 ސްކޫލަކުން ވާދަކުރޭ
އެތުލެޓިކްސް މީޓް ފެށުމުގެ ގޮތުން ސްކޫލްތަކުގެ ދިދަ ނަގަނީ
800 އަށްވުރެ ގިނަ އެތުލީޓުންނާއެކު އިންޓަރ ސްކޫލް އެތުލެޓިކްސް މީޓް ފުވައްމުލަކު ސިޓީގައި ފަށައިފިއެވެ.
ހޮނިހިރު ދުވަހުގެރޭ ފުވައްމުލަކު ސިޓީގައި އޮތީ މުބާރާތް ރަސްމީކޮށް ފެށުމެވެ. މުބާރާތް ފެށުމަށް ފުވައްމުލަކު ސިޓީގައި ވަނީ ކުލަގަދަ ރަސްމިއްޔާތެއް ބާއްވާފައެވެ. އިވެންޓްތައް ކުރިއަށްދާނީ އާދިއްތަ ދުވަހު ހެނދުނުން ފެށިގެންނެވެ. މުބާރާތުގައި 33 ސްކޫލަކުން 809 އެތުލީޓުން ވާދަކުރެއެވެ. 108 އިވެންޓް މުބާރާތުގައި ހިމެނެއެވެ. އޭގެތެރޭގައި ރާއްޖޭގެ އުތުރާއި ދެކުނުގެ ރަށްތަކުގެ ސްކޫލްތައް ހިމެނެއެވެ. މުބާރާތުގައި ވާދަކުރާ އެތުލީޓުން ބަހާލާފައިވަނީ ހަތަރު އުމުރު ފުރައަކަށެވެ. އެއީ 13 އަހަރުން ދަށް, 15 އަހަރުން ދަށް, 17 އަހަރުން ދަށް, އަދި 19 އަހަރުން ދަށެވެ.
ހަ ދުވަހުގެ މުއްދަތަށް ކުރިއަށްދާ މުބާރާތް ނިމޭނީ މިމަހުގެ 10 ވަނަ ދުވަހުއެވެ.
