ފެރަން ޓޮރޭޒާއި ވްލޮހޮވިޗަށް 100 މިލިއަން ޔޫރޯ ހޭދަކުރަނީ
ޓޮރޭޒަށް 50 މިލިއަން ބާސެލޯނާ އިން ބޭނުންވޭ
ވުލަހޮވިޗް ލަނޑު ޖެހުމަށްފަހު
ބާސެލޯނާގެ ފޯވަޑް ފެރަން ޓޮރޭޒް އާއި ޔުވެންޓަސްގެ ފޯވަޑް ޑުސާން ވްލަހޮވިޗް ގަތުމަށް އެސްޓަން ވިލާއިން 100 މިލިއަން ޔޫރޯ ހޭދަކުރަން ތައްޔާރުވެއްޖެ އެވެ.
ސްޕޭނުގެ ކޯޗު އުނާއީ އެމެރޭ މި ދެ ކުޅުންތެރިން ގަތުމަށް ބޭނުންވާއިރު މިކަމުގައި އިސްކޮށް އުޅޭނީ ބާސެލޯނާގެ ޓްރާންސްފާ ޗީފް މަތިއު އަލެމުނީ އެވެ. އަންނަ މަސް ނިމުމާއެކު ބާސެލޯނާ ދޫކޮށް އޭނާ އެސްޓަން ވިލާ އަށް ބަދަލުވާނެ އެވެ.
ފެރަން ޓޮރޭޒަކީ ބާސެލޯނާއިން ވިއްކާލަން ބޭނުންވާ ކުޅުންތެރިއެކެވެ. މި ގޮތުން މަދުވެގެން 50 މިލިއަން ޔޫރޯ އޭނާ އަށް ހުށަހަޅަން ޖެހޭނެ ކަމަށް ބާސެލޯނާއިން ވަނީ ނިންމާފަ އެވެ. މީގެ ދެ ސީޒަން ކުރިން އޭނާ ބާސެލޯނާ އަށް ބަދަލުވީ މެންޗެސްޓާ ސިޓީއިން 55 މިލިއަން ޔޫރޯ އަށެވެ.
ވްލަހޮވިޗަ އަކީ ޔުވެންޓަސްގައި ރަނގަޅަށް ކުޅެމުން އަންނަ ކުޅުންތެރިއެކެވެ. އެސްޓަން ވިލާއިން އޭނާ ގަތުމަށް ބޭނުންވަނީ އަންނަ ސީޒަނުގައި އެ ޓީމުގެ ފޯވަޑް ލައިން ވަރުގަދަ ކުރުމަށެވެ.
