ކ. މާލެ
|
8 މެއި 2023 | ހޯމަ 19:07
އިލެކްޝަންސް ކޮމިޝަން
އިލެކްޝަންސް ކޮމިޝަން
ގޫގުލް
އިންތިޚާބުތަކާބެހޭ ގާނޫނު
އިންތިޚާބުތަކާބެހޭ ގާނޫނުތަކަށް އިސްލާހު ގެނައުން، ބޭނުންވި ވަރަށްވުރެ ލަސްވެއްޖެ - އިލެކްޝަން
 
އިންތިޚާބުތަކާބެހޭ ގާނޫނަށް އިސްލާހު ގެނައުމުގެ މަސައްކަތް ދެ އަހަރު ދުވަސް ކުރިން ވަނީ ފަށާފައި

އިންތިޚާބުތަކާބެހޭ ގާނޫނަށް ގެންނަން ބޭނުންވާ ބައެއް އިސްލާހުތަކުގެ މަސައްކަތް، ބޭނުންވި ވަރަށްވުރެ މަޖިލީހުގައި ދިގުލައިގެން ގޮސްފައިވާކަމަށް އިލެކްޝަންސް ކޮމިޝަންގެ ރައީސް ފުއާދު ތައުފީގް ވިދާޅުވެއްޖެއެވެ.

ފުއާދު މިފަދައިން ވިދާޅުވީ ރާއްޖެ ޓީވީގެ ފަލަ ސުރުޚީ ޕްރޮގްރާމްގައި ވާހަކަފުޅުދައްކަވަމުންނެވެ. އޭނާ ވިދާޅުވީ އިންތިޚާބާ ކައިރިކޮށްފައި އިންތިޚާބުތަކާބެހޭ އާއްމު ގާނޫނަށް އިސްލާހު ގެނައުމަށް ހުށަހަޅާފައިވާ ބިލުތައް ފާސްވުމަކީ ބޭނުންފުޅުވާ ގޮތް ނޫން ކަމަށެވެ. ފުއާދު ވިދާޅުވީ އީސީން އެ މަސައްކަތްތައް ފަށާފައިވަނީ މީގެ ދެ އަހަރެއްހާ ދުވަސް ކުރިން ކަމަށެވެ. އެހެންކަމުން މަޖިލީހަށް އެ އިސްލާހުތައް ހުށަހަޅާފައިވާތާ ދުވަސްތަކެއް ވެފައިވާކަމަށް އޭނާ ވިދާޅުވިއެވެ.

އެހެންކަމުން ރިޔާސީ އިންތިޚާބު ބާއްވަން އަހަރަކަށް ވެފައި ވަނިކޮށް، އެ އިންތިޚާބާ ގުޅުންހުރި އިސްލާހުތައް ފާސްކުރުމަކީ އެންމެ އެދެވޭ ގޮތް ނޫން ކަމަށް ފުއާދު ވިދާޅުވިއެވެ. އެގޮތުން މިދިޔަ އަހަރު ސެޕްޓެމްބަރު މަހުގެ ނިޔަލަށް އެ އިސްލާހުތައް ފާސް ނުވެއްޖެނަމަ އެ އިސްލާހުތައް މި އަހަރު ފާސްކުރުމުގެ ޝައުގެއް އެ ކޮމިޝަނުގެ ނެތްކަމަށް ފުއާދު ވަނީ ވިދާޅުވެފައެވެ. އެހެންނަމަވެސް އިންތިޚާބާގުޅޭ ގާނޫނަށް ގެންނަ އިސްލާހުތައް އެ ކޮމިޝަނުން ބަލައިގަންނާނެކަަމަށް ފުއާދު ވިދާޅުވިއެވެ.

މީގެ ކުރިންވެސް ފުއާދު ވަނީ، އިންތިޚާބާ ގާތްކޮށްފައި އިންތިޚާބުތަކާބެހޭ ގާނޫނުތަކަށް އިސްލާހު އައުމަކީ އޭގެ ނޭދެވޭ އަސަރު ކޮށްފާނެ ކަމެއް ކަމަށް ވިދާޅުވެފައެވެ. އަދި އެކަމުގެ ސަބަބުން، އާއްމުންގެ މެދުގައި، އިންތިޚާބުގެ ގާނޫނަށް އިސްލާހު ގެންނަ މަގުސަދާމެދު ނުރަނގަޅު ތަސައްވުރެއް އުފެދުމުގެ ފުރުސަތު އޮތްކަަމަށް ވިދާޅުވެފައެވެ. މީގެ އިތުރުން ފުއާދު ވަނީ، އިންތިޚާބުތަކާ ގުޅުންހުރި ގާނޫނުތަކަށް ގެންނަ އިސްލާހުތައް އިންތިޚާބާ މާ ކައިރިކޮށްފައި ގެނައުމުން އާއްމުންގެ ހިތުގައި ނުތަނަވަސްކަން އުފެދޭކަމަށް ބުނެފައެވެ.

އިންތިޚާބާބެހޭ މައި މަރުކަޒުގެ ގޮތުގައި ހައުސިން މިނިސްޓްރީން ދަރުބާރުގެ ހަޖައްސައިދިނުމާއެކު، އެތަން ތައްޔާރުކުރުމުގެ އިދާރީ މަސައްކަތްވެސް އިލެކްޝަންސް ކޮމިޝަނުން ވަނީ ފަށާފައެވެ. އެގޮތުން އެކަންކަމަށް ބޭނުންވާ ފްލޯ ޕްލޭންތައް ނިންމައި، ވޯރކް ޗާޓްތަކާއި، އިދާރީގޮތުން ފުރިހަމަ ކުރަންޖެހޭ މަސައްކަތްތައް ކުރަމުންދާކަމަށް ފުއާދު ވިދާޅުވިއެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އައިޝަތު ރިޔާޒް
0%
0%
0%
0%
0%
0%
ކޮމެންޓް