30 މީހުންނާއެކު ދަތުރުކުރި ލޯންޗަކަށް ރާޅެއް އަރައި، ލޯންޗް ދިޔަވުމުގެ ހާދިސާއެއް ހިނގައިފިއެވެ.
އެމްއެންޑީއެފުން ބުނިގޮތުގައި އެ ލޯންޗަކީ މާލެއިން ދ. މީދޫއަށް ދަތުރުކުރި ސްޕީޑް ލޯންޗެކެވެ.
އަދި އެ ލޯންޗަށް ފ. ފީއަލީގެ ހަތް މޭލު ބޭރުން ރާޅެއް އެރުމުގެ ސަބަބުން ސިފައިން ދަނީ ހަރަކާތްތެރިވަމުން ކަމަށް އެ އިދާރާއިން ބުނެއެވެ.
އެހެންނަމަވެސް އެމްއެންޑީއެފުން ވަނީ މިހާރު ލޯންޗް ލޮކޭޓް ނުކުރެވޭ ކަަަމަށް ބުނެފައެވެ.
30 މީހުންނާއެކު ދަތުރުކުރި އެ ލޯންޗުގައި ކުޑަކުދިންނާއި އަންހެނުންވެސް ހިމެނޭކަމަށް އެމްއެންޑީއެފް ވަނީ ބުނެފައެވެ.
އެމްއެންޑީއެފުން ވަނީ އެ ލޯންޗަށް އެހީތެރިކަން ފޯރުކޮށްދިނުމަށް މިހާރު ފ. ފިލިތެޔޮ ރިސޯޓުން ދޯންޏަކާއި، ފީއަލިން ދޯންޏަކާއި, ސްޕީޑް ބޯޓެއް ފުރާފައިވާކަމަށް ބުނެފައެވެ.
އަދި ކޯސްޓްގާޑުގެ ހާބާ ކްރާފްޓެއް ވެސް ދަނީ ހަރަކާތްތެރިވަމުންނެވެ.
