އިޓްލޮސް އިން ނިންމި ނިންމުމާ ގުޅޭ ގޮތުން ކެބިނެޓާ އެކު ހާއްސަ ބައްދަލުވުމެއް ރައީސް ބާއްވަވައިފި
28 އެޕްރީލު 2023 | ހުކުރު 14:54ކެބިނެޓްގެ މެންބަރުން ވަނީ ޓްރައިބިއުނަލްގެ އަޑުއެހުންތަކުގެ ނަތީޖާއާ ބެހޭ ގޮތުން ފުޅާ ދާއިރާއެއްގައި މަޝްވަރާކޮށްފަ
ވަޒީރުންގެ ބައްދަލުވުން
ދިވެހިރާޖެއާއި ޗާގޯސްގެ ކަނޑުގެ ސަރަހައްދުގެ އިން ވަކި ކުރުމާބެހޭގޮތުން އިޓްލޮސް އިން ނިންމި ނިންމުމާ ގުޅޭ ގޮތުން ކެބިނެޓާ އެކު ހާއްސަ ބައްދަލުވުމެއް ރައީސް ބާއްވަވައިފިއެވެ.
ހުކުރު ދުވަހުގެ ހަވީރު ރައީސް އިބްރާހިމް މުހައްމަދު ޞާލިހު ވަނީ ރާއްޖެ އާއި ޗަގޯސް އާކިޕެލަގޯއާ ދެމެދު ކަނޑުގެ ސަރަހައްދު ކަނޑައެޅުމާ ގުޅޭ މައްސަލައާ ގުޅޭ ގޮތުން އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް) އިން ނިންމި ނިންމުމާ ބެހޭ ގޮތުން ވަޒީރުންގެ މަޖިލީހާއެކު ހާއްސަ ބައްދަލުވުމެއް ބާއްވާފައެވެ.
ރައީސް އޮފީހުގައި ބޭއްވި ބައްދަލުވުމުގައި ކެބިނެޓްގެ މެންބަރުން ވަނީ ޓްރައިބިއުނަލްގެ އަޑުއެހުންތަކުގެ ނަތީޖާއާ ބެހޭ ގޮތުން ފުޅާ ދާއިރާއެއްގައި މަޝްވަރާކޮށްފައެވެ.
200 ނޯޓިކަލް މޭލު ބޭރުން ކޮންޓިނެންޓަލް ޝެލްފަކަށް މޮރިޝަސްއިން ދަޢުވާކުރި ކަމަށް ތުހުމަތުކުރެވޭ މައްސަލައިގައި ޓްރައިބިއުނަލުން އިއްތިފާޤުން ނިންމި ނިންމުމާއި، ބްލެންހައިމް ރީފް ބޭސް ޕޮއިންޓެއްގެ ގޮތުގައި ބޭނުން ނުކުރެވޭނެކަމަށް ރާއްޖެއިން ބުނުމުން، 47،232 އަކަކިލޯމީޓަރުގެ ސަރަހައްދެއް ރާއްޖެއަށް ލިބޭނެގޮތަށް އިޓްލޮސްއިން ނިންމި ނިންމުމަކީ ރާއްޖެއަށް ވަރަށް ފައިދާހުރި ގޮތަކަށް ނިންމި ނިއްމުމެއް ކަމަށް ސަރުކާރުން ގަބޫލުކުރެއެވެ.
