ވޯލްޑް ޓްރެވަލް އެވޯޑްސްގެ ގޯލްޑް ޕާޓްނަރަކަށް ދިރާގު

ވޯލްޑް ޓްރެވަލް އެވޯޑްސްގެ ގޯލްޑް ޕާޓްނަރުކަމާއި އޮފިޝަލް ޓެލެކޮމިޔުނިކޭޝަންސް އެންޑް ޑިޖިޓަލް ސާރވިސަސް ޕާޓްނަރަކަށް ދިރާގު ހަމަޖައްސައިފިއެވެ.

ބުރާސްފަތި ދުވަހު ދިރާގުން ނެރުނު ނޫސްބަޔާނެއްގައި ބުނެފައި ވަނީ 2017 ވަނަ އަހަރުގެ ވޯލްޑް ޓްރެވަލް އެވޯޑްސް ރަސްމިއްޔާތުގައި ވޯލްޑް ޓްރެވަލް އެވޯޑްސްގެ ގޯލްޑް ޕާޓްނަރުކަމާއި އޮފިޝަލް ޓެލެކޮމިޔުނިކޭޝަން އެންޑް ޑިޖިޓަލް ސާރވިސަސް ޕާޓްނާރަކަށް ދިރާގު ހަމަޖެހިއްޖެ ކަމަށެވެ.

ވޯލްޑް ޓްރެވަލް އެވޯޑްސްގެ ރަސްމިއްޔާތު ބޭއްވުމަށް ހަމަޖެހިފައި ވަނީ ސަން އެކުއާ ވިލުރީފް ރިސޯޓްގައި ޖުލައި މަހުގެ 8 ވަނަ ދުވަހުގައެވެ.

ވޯލްޑް ޓްރެވަލް އެވޯޑްސްއަކީ 1993 ވަނަ އަހަރުން ފެށިގެން ބާއްވަމުން އަންނަ އެވޯޑް ސެރަމަނީއެކެވެ. މި އެވޯޑް ސެރަމަނީ ބޭއްވުމުގެ މައިގަނޑު މަޤްސަދަކީ މުޅި ދުނިޔެއިން ޓުއަރިޒަމްގެ ދާއިރާއިން ކުރިއަށްދާ ފަރާތްތަކުގެ އަގުވަޒަންކޮށް އެންމެ ރަގަޅު ފަރާތްތައް ފާހަގަކުރުމެވެ.

ދިރާގުން ބުނި ގޮތުގައި މި އެވޯޑް ރަސްމިއްޔާތުގައި ދިރާގުން ޕާޓްނަރަކަށްވި ސަބަބަކީ ރާއްޖޭގެ ޓުވަރިޒަމް އިންޑަސްޓްރީއަށް ހިތްވަރުދިނުމެވެ