އއ.ތޮއްޑޫގައި މާރާމާރި ހިންގި މައްސަލާގައި ހައްޔަރު ކުރި ބިދޭސީ މީހާގެ ބަންދަށް 7 ދުވަސް ޖަހައިފިއެވެ.
ރާއްޖެއެމްވީއަށް ފުލުހުން ބުނީ ތޮއްޑޫގެ ރެސްޓޯރެންޓެއްގެ ތެރޭގައި ބިދޭސީންތަކެއް މާރާމާރި ހިންގި ކަމަށް އޭޕްރީލް މަހުގެ 26 ވަނަ ދުވަހުގެ ރޭ 7:15 ގައި ފުލުހުންނަށް ރިޕޯޓުކޮށްފައިވާ ކަމަށެވެ.
މި މާރާމާރީގައި 26 އަހަރުގެ ފިރިހެން ބިދޭސީއަކަށް އަނިޔާވެފައިވާ ކަމަށާއި އެމީހާއަށް ތޮއްޑޫ ސިއްހީ މަރުކަޒުން ފަރުވާ ދީފައިވާ ކަމަށް ވެސް ފުލުހުން މައުލޫމާތުދެއެވެ.
މީގެ އިތުރުން ފުލުހުން ބުނީ މިމާރާމާރީއާ ގުޅިގެން 22 އަހަރުގެ ބިދޭސީއެއް ހައްޔަރުކޮށްފައިވާ ކަމަށެވެ. އަދި އެމީހާގެ ބަންދާ މެދު ގޮތެއް ނިންމުމަށް އއ.ބޮޑުފޮޅުދޫ މެޖިސްޓްރޭޓް ކޯޓަށް ހާޒިރުކުރުމުން ބަންދުގައި ބެހެއްޓުމަށް 7 ދުވަހުގެ މުއްދަތެއް ދީފައިވާ ކަމަށެވެ.
މިމައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
