މިއަހަރުގެ އެސްއެސްސީ އިމްތިހާނު ފަށައިފި
25 އެޕްރީލު 2023 | އަންގާރަ 07:58އަންގާރަ ދުވަހު އޮތީ އިސްލާމް ކަރުދާސް 1
އޯލެވެލް އިމްތިހާނުގައި މިއަހަރު 6،698 ދަރިވަރުން ބައިވެރިވޭ
ކެމްބްރިޖު އޯލެވެލް އާއި އައިޖީސީއެސްއީ އަދި އެސްއެސްސީ އިމްތިހާނުތައް ބާއްވަން ފަށައިފިއެވެ.
އިމްތިހާނު ފަށާފައިވަނީ އަންގާރަ ދުވަހުއެވެ. އަންގާރަ ދުވަހު ފަށާފައިވަނީ (ސެކަންޑަރީ ސްކޫލް ސެޓްފިކެޓު) އެސްއެސްސީ އިމްތިހާނެވެ.
އަންގާރަ ދުވަހު އޮތީ އިސްލާމް ކަރުދާސް 1 އެވެ. އަދި ބުދަ ދުވަހު އޮންނާނީ އިސްލާމް ކަރުދާސް 2 އެވެ.
އެޑިއުކޭޝަން މިނިސްޓްރީން ވަނީ އެ ތަފްސީލުތައް ސްކޫލްތަކުގެ ވެރިންނާއި، ކޯޑިނޭޓަރުން އަދި ޗީފް އިންވިޖިލޭޓަރުންގެ ސަމާލުކަމަށްޓަކައި އަންގާފައެވެ.
އިމްތިޙާނުގެ ގަޑިއަކީ ހެނދުނު ދަންފަޅި 9:00 އެވެ. ކޮންމެ އިމްތިހާނަކަށްވެސް ދަރިވަރުން އިމްތިޙާނު ހޯލަށް އިމްތިޙާނު ފެށުމުގެ 30 މިނެޓު ކުރިން ހާޒިރުވާންވާނެކަމަށް އެޑިއުކޭޝަން މިނިސްޓްރީން ބުނެފައިވެއެވެ.
އެސްއެސްސީ އިމްތިހާނުގައި މިއަހަރު 6،107 ދަރިވަރުން ބައިވެރިވާ ކަމަށާއި، އޯލެވެލް އިމްތިހާނުގައި މިއަހަރު 6،698 ދަރިވަރުން ބައިވެރިވާކަމަށް ޑިޕާޓްމަންޓް އޮފް ޕަބްލިކް އެގްޒެމިނޭޝަނުން މައުލޫމާތު ދެއެވެ. އެއީ މިދިޔަ އަހަރާ އަޅާބަލާއިރު 759 ދަރިވަރުންގެ އިތުރު ވުމެކެވެ.
އަންގާރަ ދުވަހު އެސްއެސްސީ އިމްތިޙާނު ފަށާފައިވާއިރު، އޯލެވެލް އިމްތިޙާނު ފަށާނީ މެއި މަހުގެ ދެ ވަނަ ދުވަހުއެވެ. އޯލެވެލް ނިމޭނީ ޖޫން 8ގައެވެ.
