ސަރުކާރަށް ގިނަ ދުވަހު ޚިދުމަތް ކޮށްދެއްވާފައިވާ ބުޗާގޭ ދޮންމަނިކު އަވަހާރަވެއްޖެ
އޭނާ އަވަހާރަވެފައި ވަނީ 25 އެޕްރިލް ވަނަ ދުވަހުގެ ފަތިހު ބްރިސްބޭން ގަޑިން 04:45
ބުޗާގޭ ދޮންމަނިކު
ސަރުކާރަށް ގިނަ ދުވަހު ޚިދުމަތް ކޮށްދެއްވާފައިވާ ބުޗާގޭ ދޮންމަނިކު އަވަހާރަވެއްޖެއެވެ.
ދޮންމަނިކުގެ އާއިލާ އިން ހާމަކޮށްފައިވާގޮތުގައި އޭނާ އަވަހާރަވެފައި ވަނީ 25 އޭޕްރިލް ވަނަ ދުވަހުގެ ފަތިހު ބްރިސްބޭން ގަޑިން 04:45ގައެވެ.
ސަރުކާރުގައި ގިނަ ދުވަސްތަކެއް ވަންދެން ޚިދުމަތް ކުރެއްވި ދޮންމަނިކުގެ އެންމެ ފާހަގަކޮށްލެވޭ އެއް ޚިދުމަތަކީ މިނިސްޓްރީ އޮފް ހޯމް އެފެއާޒްގެ ފިލްމް ސެންސަރު ބޯޑުގައި ހުންނަވާ ސެންސަރު ކާޑުތަކުގައި ސޮއިކުރެއްވުމުގައި އޭނާ އަދާކުރެއްވި ފުޅާ ދައުރެއެވެ. އެގޮތުން 1980 ވަނަ އަހަރުގެ މާރޗް މަހުގެ 28 ވަނަ ދުވަހުން ފެށިގެން އޭނާ މަޤާމުގައި އަދާކުރެއްވި މުއްދަތުގައި އެއް ލައްކަ އަށް ވުރެ ގިނަ ކާޑުގައި ސޮއިކުރައްވާފައިވެއެވެ.
ބުޗާގޭ ދޮންމަނިކަކީ ސަރުކާރަށް 40 އަހަރަށް ވުރެ ގިނަ ދުވަހު ޚިދުމަތް ކުރައްވާ، ދެ ޕެންޝަން ޙާސިލްކުރެއްވި އިޚުލާސްތެރި ޚިދުމަތްތެރިއެކެވެ. އެންމެ ފުރަތަމަ ޕެންޝަން ލިބިވަޑައިގަތީ 17 ޖޫން 1940 ވަނަ އަހަރެވެ. އޭނާ ފުރުއްވާފައިވާ މަޤާމުތަކުގެ ތެރޭގައި މައްކަމަތުލް އަމަން ޢާންމުގެ ސެކްރެޓަރީކަމާއި، ތަހުގީގު ކޮމިޓީގެ ސެކްރެޓަރީކަމާއި، ވުޒާރަތުއްދާޙިލިއްޔާގެ ޚާއްސަ ވަކީލްކަމުގެ މަޤާމާއި، ޕަބްލިކް މެއިންޓަނެންސް ޑިވިޝަންގެ ވަކީލްކަމުގެ މަޤާމާއި، މެރިން ޑިވިޝަންގެ ވަކީލްކަމުގެ މަޤާމު ހިމެނެއެވެ. އަދި އޭނާ އަކީ މާޅޮސްމަޑުލު އުތުރު ބުރީގެ އަތޮޅު ވެރިކަން ވެސް ކުރައްވާފައިވާ ބޭފުޅެކެވެ.
