ކ. މާލެ
|
21 އޭޕްރިލް 2023 | ހުކުރު 13:19
ހުކުރު ނަމާދު ކުރުމަށް ޖަމާއަތް ހަދައިގެން
ހުކުރު ނަމާދު ކުރުމަށް ޖަމާއަތް ހަދައިގެން
އިސްލާމިކް މިނިސްޓްރީ
ހުކުރު ޚުތުބާ
މަރު ބައްދަލުކޮށްފުމަށް ދާންދެން ހެޔޮ އަމަލު ކުރުންމަތީ ދެމިތިބެންޖެހޭ: ޚުތުބާ
 
ޝައްވާލު މަހުގެ ހަ ރޯދައި ހިފުމަށް ނަސޭހަތްތެރިވެފައިވޭ
 
އަޅުކަން ކުރުމަކީ ހަމައެކަނި ވަކި މޫސުމަކާ ގުޅިފައި އޮންނަ ކަމެއް ނޫން
 
ފުރިހަމަ މުއުމިނަކު ދުވަހަކު ވެސް ހެޔޮ އަމަލު ކުރުމަށް އަލްވަދާއެއް ނުކިޔާނެ

މަރު އަހަރެމެންނާއި ބައްދަލުކޮށްފުމަށް ދާންދެން ހެޔޮ އަމަލު ކުރުންމަތީ ދެމިތިބުމަށް ހުކުރު ޚުތުބާގައި ގޮވާލައިފިއެވެ.

''ރަމަޟާން މަހަށްފަހު ހެޔޮއަމަލު ކުރުންމަތީ ތެމިތިބޭށެވެ'' މިމައުޟޫއަށް ރާއްޖޭގެ އެކިކަންކޮޅުތަކަށް އިއްވި ހުކުރު ޚުތުބާގައި ބުނީ ރަމަޟާން މަސް އަހުރެމެނާ އަލްވަދާއު ކިޔައިފި ކަމަށާއި، ނަމަވެސް އެމަހުގެ ވެރި ﷲ ދިރި ދެމިވޮޑިގެންވާ ކަމަށެވެ. ފުރިހަމަ މުއުމިނަކު ދުވަހަކު ވެސް ހެޔޮ އަމަލު ކުރުމަށް އަލްވަދާއެއް ނުކިޔާނެކަން ފާހަގަކޮށް ޚުތުބާގައި ބުނީ ޔަގީންވެގެންވާ މަރު އަހަރެމެންނާއި ބައްދަލުކޮށްފުމަށް ދާންދެން ހެޔޮ އަމަލު ކުރުންމަތީ ދެމިތިބެން ޖެހޭ ކަމަށެވެ.

ޚުތުބާގައި ބުނީ އަޅުކަން ކުރުމަކީ ހަމައެކަނި ވަކި މޫސުމަކާ ގުޅިފައި އޮންނަ ކަމެއް ނޫން ކަމަށާއި، މުއުމިނުންގެ މުޅި ހަޔާތުގައި ވެސް އަޅުކަން ކުރަންޖެހޭ ކަމަށެވެ. އަދި މުސްލިމަކު ހެޔޮ އަމަލެއް ކުރުމަށްފަހު އެންމެ މުހިންމުކަމަކީ އެ އަމަލު ގަބޫލުކުރައްވާތޯ ދެންނެވުމާއި، އެކުރެވުނު ހެޔޮއަމަލުތައް ކުރުންމަތީ ދެމިހުރުމުގެ ތައުފީގަށް އެދި ދުއާ ދެންނެވުކަމަށް ޚުތުބާގައި ބުނެފައިވެއެވެ.

މާތް ﷲ ވަހީ ކުރައްވާފައިވެއެވެ. މާނައީ: ތިމަން ރަސްކަލާނގެއަށް އަޅުކަންކުރުމަށް މެނުވީ، ތިމަން ރަސްކަލާނގެ ޖިންނީންނާއި އިންސީން ނަހައްދަވަމެވެ.
ހުކުރު ޚުތުބާ

ނިމިދިޔަ ރަމަޟާންމަހަށް އިޝާރަތްކޮށް ޚުތުބާގައި ބުނީ ތިބާގެ އަމަލުތައް ހުރިގޮތާއި މެދު ވިސްނާލަންޖެހޭ ކަމަށެވެ. ގަވާއިދުން ބަރާބަރަށް ފަރުޟު ފަސްނަމާދު ކުރެވުނު ކަމުގައިވާނަމަ އެ ނަމާދުތައް ކުރުން ރަމަޟާންމަހަށްފަހުގައި ވެސް އެގޮތުގައި ދަމެހެއްޓުމަށް ޚުތުބާގައި ނަސޭހަތްތެރިވެފައިވެއެވެ. މީގެ އިތުރުން ޚުތުބާގައި ބުނީ ރަމަޟާން މަސް އަހަރުމެންނާއި ވަކިވެ ދިޔައީ ޝައްވާލު މަހުގެ ހަ ރޯދައިގެ ނިއުމަތަށް މަގުފަހިކޮށްދީފައި ކަމަށާއި، އަހަރު ދުވަހު ރޯދަހިފިކަމުގެ ސަވާބު ލިބިގަންނަންޖެހޭ ކަމަށެވެ.

ރަމަޟާން މަހު އަޅުކަން ކުރުމުގައި ފަރުވާ ކުޑަކުރެވުނު އަޚުންނަށް ނިސްބަތްކޮށް ޚުތުބާގައި ބުނީ ގިނަގިނައިން ތައުބާވެ މާތްﷲ އަށް އިސްތިއުފާރު ކުރަންޖެހޭ ކަމަށެވެ. އަދި އެކަލާނގެއީ ތައުބާވާ މީހުންގެ ތައުބާ ގަބޫލުކުރައްވާ ފާފަ ފުއްސަވާ ރަސްކަލާނގެ ކަމަށް ޚުތުބާގައި ބުނެފައިވެއެވެ.

ޚުތުބާގައި ބުނީ ކުރިން ކުރެވިފައިވާ އަޅުކަންތަކަކީ ގިނަގުނަ ހެޔޮ އަމަލުތަކެއް ކަމުގައި ދެކިގެން ނުވާނެ ކަމަށެވެ. އެހެނީ ކުރެވުނު ހެޔޮ އަމަލުތަކަށްޓަކާ އަމިއްލަ ނަފުސަށް ބޮޑާވެ ފަހުރުވެރިވެ އެއީ މާގިނަ ހެޔޮ އަމަލުތަކެއް ކަމުގައި ދެކޭނަމަ އެއަމަލުތައް ބާތިލުވެގެން ހިނގާދާނެ ކަމަށް ޚުތުބާގައި ބުނެފައިވެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
100%
0%
ކޮމެންޓް
ގުޅުންހުރި
ރަމަޟާން މަހު ހަޔާތަށް ބޮޑުބަދަލެއް ގެނައުމަށް މަސައްކަތް ކުރަންޖެހޭ، ދެވަނަ ފަހަރަށް މިފަދަ ފުރުސަތެއް ނުލިބިދާނެ: ޚުތުބާ
"ރޯދައިގެ އެންމެ މުހިންމު ހިކުމަތަކީ ސިއްރާއި ފާޅުގައި ތިމާކުރާ އަމަލުތައް ﷲ ބައްލަވާވޮޑިގެންވާކަން ދެނެގަނެ، ނަފްސު ތަހުޛީބުކުރުން"
ރަމަޟާން މަހަށް މަރުޙަބާ ކިޔަންވީ ތަފާތު ބާވަތްތަކުގެ ކާބޯތަކެއްޗަށް އިސްކަންދީގެނެއް ނޫން: ޚުތުބާ
ގައުމު ބިނާކުރުމަށް ކުރެވެން އޮތް ކޮންމެ ކަމެއް ކުރުމަކީ ވާޖިބެއް: ޚުތުބާ
ތައުހީދުން އަމަން އަމާންކަމާއި ހިދާޔަތު ލިބި ދެ ދުނިޔޭގެ ބާއްޖަވެރިކަން ލިބިދޭ: ޚުތުބާ
ޝައުބާން މަސް ވަރަށް ޚާއްސަ، ނޭނގެއޭ ބުނެ ބަރަކާތާއި ރަޙްމަތުގެ ދުވަސްތައް ނަގާނުލާ: ޚުތުބާ
ނަމާދަށް ރައްކާތެރިވެ، ނެތިމޮށުމާއި މީހުންގެ އަބުރާ ބެހުމުގެ އަމަލުތަކުން ދުރުހެލިވުމަށް ޚުތުބާގައި ގޮވާލައިފި
ޤުރުއާން ކިޔެވުމާއި ޙަދީޘްތައް ކިޔުން އާދައަކަށް ހެދުމަށް ގާތްގަނޑަކަށް 21 ދުވަސް އެގޮތުގައި ހޭދަކުރޭ، އާދައަކަށްވުން ވަރަށް ގާތް: ޚުތުބާ