އީދު ދުވަހު އެމްޓީސީސީގެ ފެރީ ގަޑިތަކަށް ބަދަލުތަކެއް
ވިލިމާލެ ފެރީ ދަތުރުގެ ހިދުމަތް ހެނދުނު 7:00ން ފެށިގެން 8:15ށް މެދު ކަނޑާލެވޭނެ
ވިލިމާލެ ފެރީ ޓާމިނަލް
ފިތުރު އީދު ދުވަހު އެމްޓީސީސީން ދެމުން އަންނަ ފެރީގެ ހިދުމަތަށް ބައެއް ބަދަލުތަކެއް ގެނެސްފިއެވެ.
އެމްޓީސީސީން ބުނީ ފިތުރު އީދު ދުވަހުގެ އީދު ނަމާދަށް މާލެއާއި ވިލިމާލެއާއި ދެމެދު ކުރެވޭ ފެރީ ދަތުރުގެ ހިދުމަތް ހެނދުނު 7:00ން ފެށިގެން 8:15ށް މެދު ކަނޑާލެވޭނެކަމަށެވެ.
މީގެ އިތުރުން ފިތުރު އީދު ދުވަހު ތިލަފުށީ ފެރީ ދަތުރުތައް ކުރުމަށް ހަމަޖެހިފައިވާ ގަޑިތަކަށް ބަދަލު ގެނެސްފައިވާ ކަމަށް އެމްޓީސީސީން ބުނެއެވެ. އެގޮތުން، މާލެއިން ތިލަފުއްޓަށް ފުރަތަމަ ދަތުރު އޮންނާނީ 8:30 ގައި ކަމަށާއި، ތިލަފުށިން މާލެއަށް ފުރަތަމަ ދަތުރު އޮންނާނީ 9:00 ގައި ކަމަށް އެމްޓީސީސީން ބުނެއެވެ.
އެމްޓީސީސީން ބުނީ ފިތުރު އީދު ދުވަހުގެ އީދު ނަމާދަށް ހުޅުމާލެ ޕްރިމިއަމް ފެރީގެ ހިދުމަތް ހެނދުނު 7:00ން 8:30ށް މެދުކަނޑާލެވޭނެ ކަމަށެވެ.
ފަލަކީ ހިސާބުތަކުން ދައްކާގޮތުން، މިއަދަކީ ރަމަޟާން މަހުގެ ފަހު ދުވަހެވެ. އަދި މިއަހަރުގެ ފިތުރު އީދު ދުވަސް ވާނީ މާދަމާއަށެވެ.
