ދެ ޓީމުގެ ތަފާތަކީ އީގަލްސްގެ ޕްރީސީޒަން: އިންމަ

ޕްރެޒިޑެންޓްސް ކަޕުގައި މިރޭ އީގަލްސްއާ ދެކޮޅަށް ނުކުންނައިރު ދެ ޓީމުގެ ތަފާތަކީ އީގަލްސްއިން ވަރަށް ރަނގަޅު ޕްރީ ސީޒަނެއް ނިންމާލާފައިވުން ކަމަށް ސުޕަ ޔުނައިޓެޑް ސްޕޯޓްސްގެ ކޯޗު އިސްމާއީލް މަހުފޫޒް (އިންމަ) ބުނެފި އެވެ.

ފުރަތަމަ މެޗުގައި ވެލެންސިއާ އަތުން 5-0އިން މޮޅުވި ޓީމުގެ ކޯޗު ބުނީ އޭނާގެ އެންމެ ބޮޑު ކަންބޮޑުވުމަކީ އެކަށީގެންވާ ވަރަށް ޕްރެކްޓިސް ކުޅުމެއްނެތި ކުޅެންތެރިން ޖިސްމާނީގޮތުން ތައްޔާރުނުވެ މެޗު ކުޅެން ޖެހުން ކަމަށެވެ.

އޭނާ މިހެން ބުނިއިރު އީގަލްސް އަކީ މި ސީޒަނަށް އެންމެ ދުރާލައި ތައްޔާރުވާން ފެށި ދެ ޓީމުގެ ތެރެއިން އެއް ޓީމެވެ. އެހެން ޓީމުތައް ޕްރެކްޓިސް ފެށީ މުބާރާތަށް ދެތިން ދުވަހަށް ވެފައިވަނިކޮށެވެ.

އޭނާ ބުނީ ޓީމަށް ރާއްޖޭގެ އެންމެ މޮޅު ކުޅުންތެރިޔާ އަލީ އަޝްފާގް (ދަގަނޑޭ) ކުޅުމަކީ ލިބޭ އިތުބާރެއް ކަމަށާއި ދަގަނޑޭ އެންމެ ރަނގަޅު ފޯމާއި ފިޓްނަސްގައި ނެތަސް އޭނާ އަށް ޓީމަށް ފައިދާހުރި ވަރަށް ގިނަ ކަންކަން ކޮށްދެވިދާނެ ކަމަށެވެ. އިންމަ ބުނީ ސަސްގެ ޒުވާން ސްކޮޑާ ދަގަނޑޭ ގުޅުނީ އެ ޓީމުގެ ކުޅުންތެރިން އޭނާއާއެކު ކުޅެން އެދިއެދި ތިއްބައި ކަމަށެވެ.