ދެ ލޯންޗު ޖެހި ކަނޑުމަތީގައި ނުރައްކާތެރި އެކްސިޑެންޓެއް ހިނގައިފި
16 އެޕްރީލު 2023 | އާދީއްތަ 04:09މި އެކްސިޑެންޓުގައި އެއްވެސް މީހަކަށް އަނިޔާއެއް ނުލިބޭ
އާއިޝަތު ޝިއުރާ | 16 އެޕްރީލު 2023 | އާދީއްތަ 04:09
ދެ ލޯންޗު ޖެހި އެކްސިޑެންޓްވުން
މާލެ އާއި ވިލިމާލެއާ ދެމެދު ދަތުރުކުރި ދެ ލޯންޗު ޖެހި އެކްސިޑެންޓެއް ހިނގައިފިއެވެ.
މިއެކްސިޑެންޓް ހިނގާފައިވަނީ ހޮނިހިރު ދުވަހުގެ ރޭ 7:53 ހާއިރު ކަމަށް ފުލުހުން ބުނެއެވެ. ފުލުހުން ބުނީ މި އެކްސިޑެންޓުގައި އެއްވެސް މީހަކަށް އަނިޔާއެއް ނުލިބޭ ކަމަށެވެ. މިކަމާ ގުޅިގެން ބަލަން ޖެހޭ ކަންކަން ބަލަމުން އަންނަ ކަމަށް ބުނުމުގެ އިތުރަށް، އިތުރު ތަފްސީލެއް ފުލުހުން ނުދެއެވެ.
ސޯޝަލް މީޑިއާގައި އާންމުވެފައިވާ ފޮޓޯތަކުން ފެންނަ ގޮތުގައި، އެ ތަނުން އެއް ލޯންޗުގެ ދިރުނބާކޮޅަށް ވަރަށް ބޮޑަށް ވަނީ ގެއްލުންވެފައެވެ.
އެކްސިޑެންޓުވި ދެ ލޯންޗު ވެސް މިހާރު ވަނީ ވިލިމާލެއަށް ގެންގޮސްފައެވެ.
