އުރީދޫ މޯލްޑިވްސްގެ އީ-ކޮމާސް ޕްލެޓްފޯމް ކަމަށްވާ މޫލީގައި, ވާވޭ ވޮޗް ބަޑްސް ތައާރަފްކޮށްފިއެވެ. ވާވޭ ވޮޗް ބަޑްސްއަކީ އިއަރބަޑްސްގެ ސިފަތައް އެކުލެވޭ އީޖާދީ ސްމާރޓް ގަޑިއެކެވެ.

ވާވޭ ވޮޗް ބަޑްސް އުފައްދާފައިވަނީ މެދުކެނޑުމެއްނެތި ކަސްޓަމަރުން އިތުރު ފަސޭހަކަމާއެކު ގުޅުވައިދޭ ސިފަތައް ހިމަނައިގެންނެއެވެ. އެންމެ ކޮލިޓީ އަދި ސާފު އަޑު ލިބޭއިރު، މިއީ އާންމުކޮށް ދަތުރުކުރާ މީހުންނަށް ވަރަށް ފުރިހަމަ ޑިވައިސްއެކެވެ. މީގެ އިތުރުން ތުނި ރީތި ޑިޒައިނާއެކު އުފައްދާފައިވާ ވާވޭ ވޮޗް ބަޑްސްއަކީ މިއުޒިކަށް ލޯބިކުރާ ފަރާތްތަކަށްވެސް އެންމެ ފުރިހަމަ، ފަހުގެ ގެޖެޓެވެ.

މޫލީގައި ވާވޭ ވޮޗް ބަޑްސް ތައާރަފްކުރުމުގެ އުފާ ފާޅުކުރުމުގެގޮތުން އުރީދޫ މޯލްޑިވްސްއިން ހާއްސަ އޮފަރއެއްގެ ދަށުން މި ގަޑި ވިއްކަނީ 6999 ރުފިޔާއަށެވެ. މި ހާއްސަ އަގުގައި ކަސްޓަމަރުންނަށް ބައްލަވައިގަތުމުގެ ފުރުސަތު 22 އޭޕްރީލް 2023ގެ ނިޔަލަށް ވަނީ ހުޅުވާލައިފައެވެ. މީގެ އިތުރުން މޫލީ މެދުވެރިކޮށް ވާވޭ ވޮޗް ބަޑްސް ގަތުމުން ކަސްޓަމަރުންނަށް ރާއްޖޭގެ ކޮންމެ ހިސާބަކަށްވެސް މުޅިން ހިލޭ ޑެލިވަރ ކޮށްދޭނެއެވެ.

މި ޑިވައިސްގެ މައިގަނޑު ސިފަތަކުގެ ސަބަބުން ވާވޭ ވޮޗް ބަޑްސްއަކީ އަޑު އަހާލުމުގެ ތަޖުރިބާއަށް ފެންވަރު ރަނގަޅު އަޑާއި އެޑްވާންސް ފަންކްޝަނަލިޓީ ފޯރުކޮށްދޭ އާދަޔާ ހިލާފު ގެޖެޓެކެވެ.