ދުނިޔޭގެ ބާޒާރުގައި ހަލުވިކަމާއި އެކު ވިކެމުން އަންނަ ހުވާވޭ އެންމެ ފަހުގެ ސީރީސްގެ ނޯވާ 4 ރާއްޖޭގެ ބާޒާރަށް ނެރެފިއެވެ.
ހުވާވޭ އޮތިރައިޒްޑް ޑިސްޓްރިބުއޓަރ މެކްސްކޮމް ޓެކްނޮލޮޖީއިން މިފޯނު ރާއްޖޭގެ ބާޒާރަށް ނެރެފައިވަނީ ވެސްޓޯ އާއި ގުޅިގެންނެވެ.
ބުރާސްފަތި ދުވަހުގެ ރޭ ހުޅުމާލޭގައި ހުންނަ ވެސްޓޯ މޮބައިލް ފިހާރާގައި ބޭއްވި ރަސްމިއްޔާތެއްގައި މިފޯން ލޯންޗްކޮށް ދެއްވީ މެކްސްކޮމް ޓެކްނޮލީގެ އެމްޑީ މުހައްމަދު ފަޒީލް އަދި ވެސްޓޯ މޮބައިލްގެ އެމްޑީ އަހްމަދު ސައީދު އެވެ.
ހުވާވޭއަކީ ދުނިޔޭގެ ބާޒާރުގައި ދެވަނައަށް އެންމެ ގިނައިން ފޯނު ވިކޭ ކުންފުނި ކަމަށްވާއިރު، މިފޯނުގެ ފީޗާސްތަކަށް ބަލާއިރު މިއީ ދުނިޔޭގައި ވެސް އެންމެ ފުރަތަމަ އުފެއްދި ފަސްޓް ޕަންޗް ހޯލް ޑިސްޕްލޭ އެވެ. އަދި ތިން ކެމެރާ އާއި އެކު މިފޯނު ބާޒާރަށް ނެރުނުއިރު މިއީ ސެލްފީ ނަންގަވާ ފަރާތްތަކަށް ވަރަށް ހާއްސަވެސް ފޯނެކެވެ. އެގޮތުން ސެލްފީ ކެމެރާއަކީ 25އެމްޕީގެ ކެމެރާއަކަށްވާއިރު އަދި މިފޯނުގެ ދެން އެންމެ ހާއްސަ ކަމަކީ ބެޓަރީ ލައިފްއެވެ. އަދި ފާސްޓް ޗާޖިންއަކީވެސް މިފޯނުގެ ހާއްސަ ފީޗާސްއަކަށްވާއިރު 8 ޖީބީ ރެމް އަދި 128 ޖީބީ ސްޓޯރޭޖް ހިމެނެއެވެ.
މީގެ އިތުރުން ގޭމް ކުޅުއްވާ ފަރާތްތަކަށް ހާއްސަކޮށް 3ޑީ ގޭމް ޕްލޭވެސް ވަނީ ހާއްސަކޮށްފައެވެ.
ވެސްޓޯ މޮބައިލްގެ ހުރިހާ ފިހާރައަކުން މިފޯނު މިހާރު ލިބެން ހުންނާނެ ކަމަށާއި އެގޮތުން އެއް ފޯނު ތަޅައިގެން ދިއުން ފަދަ ކަމެއް ނޫން އެހެނިހެން ކަންކަމަށް އެއް އަހަރު ދުވަހުގެ ވޮރަންޓީ ދޭނެ ކަމަށް މެކްސްކޮމްއިން ބުންޏެވެ. އަދި މިފޯނު މިވަގުތު މވިއްކަމުން ގެންދަނީ 7990ރ. އަށް ކަމަށާއި މިއީ އިންސްޓޯލްމަންޓަށް ދޫކުރާ ފޯނެއް ކަމަށްވެސް ވެސްޓޯއިން ބުންޏެވެ.
