އުމްރާއަށް ދިޔަ ދިވެއްސެއް ގެއްލިގެން ހޯދަން ފަށައިފި

ރާއްޖެއިން އުމްރާއަށް ދިޔަ ދިވެއްސެއް ގެއްލިގެން ހޯދަން ފަށައިފިއެވެ.

އެއީ ޡާބިތް ހައްޖު އެންޑް އުމްރާއިން އުމްރާއަށް ދިޔަ މީހެކެވެ.

އެ ޖަމާއަތުން މިއަދު ސޯޝަލް މީޑިއާގައި ކުރި ޕޯސްޓެއްގައި ބުނީ ގެއްލިގެން ހޯދަމުންދަނީ ހއ. ހޯރަފުށި، ނޫވިލާގޭ ފާތިމަތު ވަހީދާ ކަމަށެވެ.

އާއިލާގެ އެހެން މީހުންނާއެކު ދަމުނަމާދަށް ދިއުމަށްފަހު، މޯބައިލް، ކާޑު އަދި ދަބަސް ބޭއްވުމަށްފަހު އާއިލާގެ މެމްބަރުންނާ ދުރަށް ގޮސްފައިވާކަމަށް އެ ޖަމާއަތުން ބުނެފައިވެއެވެ. އަދި އެނބުރި ހޮޓަލަށް ގޮސްފައިނުވާކަމަށް ވަނީ ބުނެފައެވެ.

އޭނާ ދަމުނަމާދަށް ދިޔައިރު ލައިގެން ހުރީ ފިޔާތޮށިކުލައިގެ މާޖެހި ދަނބުކުލައިގެ ހެދުމަކާއި، ކަޅުކުލައިގެ ބުގާއެއް ކަމަށް އެ ޖަމާއަތުން ވަނީ ބުނެފައެވެ.

ވަހީދާގެ ފޮޓޯއާއެކު އެ ޖަމާއަތުން ކުރި ޕޯސްޓުގައިވަނީ އޭނާ ފެނިއްޖެނަމަ އެ ޖަމާއަތުގެ ހޮޓްލައިން 0567066482 / 0540785217 / 0560878064 އަށް ގުޅައި އެންގުމަށް ވަނީ އެދިފައެވެ.