މިހާތަނަށް ލިބިފައިވާ މަޢުލޫމާތުތަކުން ހިޔާ ފްލެޓެއްގެ އެޕާޓްމަންޓެއްގައި އަލިފާނުގެ ހާދިސާ ހިނގާފައިވަނީ ނިއްވާނުލާ މީހަކު އެއްލާލި ސިނގިރެޓް ފިލްޓަރެއްގެ ސަބަބުން ކަމަށް އަރބަންކޯ އިން ބުނެފިއެވެ.
ހިޔާ ފްލެޓް އެޗް 5ގެ 17ވަނަ ފަންގިފިލާގައި އަލިފާނުގެ ހާދިސާއެއް ހިނގިއިރު އެ އެ އެޕާޓްމަންޓްގައި ދިރިއުޅޭ އެއްވެސް މީހަކަށް ގެއްލުން ނުލިބޭ ކަމަށް އަރބަންކޯ އިން ބުންޏެވެ. އަދި މިހާތަނަށް ލިބިފައިވާ މަޢުލޫމާތުތަކުން މި ހާދިސާ ހިނގާފައިވަނީ ބެލްކަނީގައި ހުރި ކުނިތަކެއްގެ މައްޗަށް ނިއްވާނުލާ މީހަކު އެއްލާލި ސިގިރެޓް ފިލްޓަރެއްގެ ސަބަބުން ކަމަށް ޝައްކު ކުރެވޭ ކަމަށާއި މިފަދަ އަމަލުތައް ނުކުރުމަށް އަރބަންކޯ އިން ވަނީ ނަސޭހަތްތެރިވެފައެވެ.
އަލިފާނުގެ ހާދިސާ ހިނގާފައިވަނީ ބުރާސްފަތި ދުވަހުގެ ރޭ މެންދަމު 1 ޖެހިއިރުއެވެ. އަލިފާން ރޯވުމުގެ ސަބަބުން އެ ފްލެޓްގައި އުޅެމުންދިޔަ މީހުން ހުސްކުރިއެވެ.
