3 ޤައުމަކަށް ކަނޑައަޅާ ނޮން-ރެސިޑެންޓް ސަފީރުންނަށް ރުހުންދީފި
4 އެޕްރީލު 2023 | އަންގާރަ 08:4714 ސަފީރުންނަށް ރުހުން ހޯދަން ފޮނުވި
މަޖިލިސް ޖަލްސާގެ ތެރެއިން
3 ގައުމަކަށް ދިވެހިރާއްޖެއިން ކަނޑައަޅުއްވާ ނޮން-ރެސިޑެންޓް ސަފީރުންނަށް މަޖިލީހުން ރުހުންދީފިއެވެ.
ރައްޔިތުންގެ މަޖިލީހުގެ ޖަލްސާގައި ނޮން-ރެސިޑެންޓް ސަފީރުންނަށް، މަޖިލީހުގެ މަޝްވަރާ ހޯއްދަވައި ގޮތެއް ނިނެމްވުމަށް ރައީސުލްޖުމްހޫރިއްޔާ ފޮނުއްވާފައިވާ ނަންތައް ދިރާސާކުރުމަށްފަހު އަންގާރަ ދުވަހު ވަނީ ރުހުން ދިނުމާއި ގުޅޭގޮތުން ވޯޓު ނަގާފައެވެ.
ސްރީލަންކާއަށް ކަނޑައަޅުއްވާފައި ހުންނަވާ ސަފީރު ޢަލީ ފާއިޒް - ސީޝެލްސް، މޮރިޝަސް، ޤަތަރު، ސައުތު އެފްރިކާ އަދި ނިއުޒިލޭންޑަށް ކަނޑައަޅާ ނޮން-ރެސިޑެންޓް ސަފީރުކަމަށާއި، އެމެރިކާއަށް ކަނޑައަޅުއްވާފައި ހުންނަނަވާ ސަފީރު ޢަބްދުލްޣަފޫރު މުޙައްމަދު - ކެނެޑާއަށް ކަނޑައަޅާ ނޮން-ރެސިޑެންޓް ސަފީރުކަމަށް ރުހުން ދިނުމަށް 52 މެންބަރުން ވަނީ ވޯޓު ދެއްވާފައެވެ.
މަޖިލީހުގެ ވޯޓިންގ ސިިސްޓަމުގައި ދިމާވި މައްސަލައަކާއި ގުޅިގެން، ޔޫއޭއީއަށް ކަނޑައަޅުއްވާފައި ހުންނަވާ ސަފީރު އާމިނަތު ޝަބީނާ - އިތިއޯޕިއާ އަދި ކެންޔާއަށް ކަނޑައަޅާ ނޮން-ރެސިޑެންޓް ސަފީރުކަމަށް އައްޔަންކުރުން ރުހުން ހޯދުމަށް ވޯޓު ނަގާފައިވަނ ރޯލް ކޯލްގެ އުސޫލުގެ ދަށުންނެވެ. ރުހުން ދިނުމަށް 55 މެންބަރުން ވަނީ ވޯޓު ދެއްވާފައެވެ.
އިތުރު 11 ނޮން-ރެސިޑެންޓް ސަފީރުންނަށް ރުހުން ހޯދުމަށް ފޮނުވައިވީނަމަވެސް ވޯޓިންގް ސިސްޓަމަށް ދިމާވި މައްސަލައާއި ގުޅިގެން ވޯޓަށް އަހާފައި ނުވެއެވެ.
ވޯޓަށް އަހާފައި ނުވަނީ ޖަރުމަނަށް ކަނޑައަޅުއްވާފައި ހުންނަވާ ސަފީރު ޢާއިޝަތު ޝާން ޝާކިރު - ސާރބިއާއަށް ކަނޑައަޅާ ނޮން-ރެސިޑެންޓް ސަފީރުކަމަށް، ސިންގަޕޫރަށް ކަނޑައަޅުއްވާފައި ހުންނަވާ ސަފީރު އަޙްމަދު ތަސްމީން ޢަލީ - އިންޑޮނީޝިއާ، އޮސްޓްރޭލިއާ އަދި ފިލިޕީންސްއަށް ކަނޑައަޅާ ނޮން-ރެސިޑެންޓް ސަފީރުކަމަށް، މެލޭޝިއާއަށް ކަނޑައަޅުއްވާފައި ހުންނަވާ ސަފީރު ޢަލީ ޙުސައިންދީދީ - ބުރޫނާއީއަށް ކަނޑައަޅާ ނޮން-ރެސިޑެންޓް ސަފީރުކަމަށް އަދި އިންޑިއާއަށް ކަނޑައަޅުއްވާފައި ހުންނަވާ ސަފީރު އިބްރާހީމް ޝަހީބް - ކަޒަކްސްތާނަށް ކަނޑައަޅާ ނޮން-ރެސިޑެންޓް ސަފީރުކަމަށް ރުހުން ދިނުމުގެ ވޯޓެވެ.
