ފުރުސަތު ބޮޑީ އާޖެންޓީނާއަށް: ފީފާގެ ރައީސް

އަންނަ މަހު ވިހިއަހަރުން ދަށުގެ ވޯލްޑްކަޕް ބާއްވަން ބޭނުންވާ ގައުމުތަކުގެ ތެރެއިން ފުރުސަތު އެންމެ ބޮޑީ އާޖެންޓީނާއަށް ކަމަށް ފީފާގެ ރައީސް ޖިއާނީ އިންފަންޓީނޯ ބުނެފި އެވެ.

މި މުބާރާތް ކުރިން ބާއްވަން އޮތީ އިންޑޮނީޝިއާގަ އެވެ. ނަމަވެސް އެ ގައުމަށް އެތެރެވުމުގައި އިޒްރޭލުގެ ގައުމީ ޓީމަށް ދިމާވެދާނެ ދަތިތަކަށް އިންޑޮނީޝިޔާ ސަރުކާރުން އެއްބާރުލުން ނުލިބޭތީވެ ފީފާއިން ވަނީ އިންޑޮނީޝިޔާގައި މުބާރާތް ނުބާއްވަން ނިންމައިފަ އެވެ.

އޭނާ އަދި ބުނީ އާޖެންޓީނާގެ ޕްރޮޕޯސަލް ލިބުމުން ފީފާއިން ވެސް އެކަމާ ވިސްނަން ޖެހުނު ކަމަށެވެ. ސަބަބަކީ މިފަދަ މުބާރާތްތައް ބޭއްވުން އެންމެ ރަނގަޅީ ފުޓްބޯޅަ ކުރިއަރުވައި ބައިނަލް އަގްވާމީ އުސޫލުތަކުގެ ތެރެއިން އިތުރު ހުރަސްތަކެއް ކުރިމަތިނުކޮށް އިންޓަނޭޝަނަލް މުބާރާތްތައް ބާއްވަން ބޭނުންވާ ގައުމުތަކުގައި ކަމަށްވުމެވެ.