ރާއްޖޭގެ ކޮންމެ 100 އަންހެނަކަށް 104 ފިރިހެނުން!
ފިރިހެނުން ރިސޯޓުތަކުގައާއި ސިނާއީ ރަށްތަކުގައި އުޅޭ މިންވަރު ގިނަ
ދިވެހި އަންހެނުންތަކެއް
ރާއްޖޭގެ ކޮންމެ 100 އަންހެނަކަށް 104 ފިރިހެނުން އެބަތިބިކަމަށް, 2022ވަނަ އަހަރުގެ ބޯހިމެނުމުގެ ވަގުތީ ނަތީޖާއިން ދައްކައިފިއެވެ.
މޯލްޑިވްސް ބިއުރޯ އޮފް ސްޓެޓިސްޓިކްސްއިން އާންމުކުރި 2022ވަނަ އަހަރުގެ ބޯހިމެނުމުގެ ތަފާސްހިސާބުތަކުން ދައްކާގޮތުގައި ރާއްޖޭގެ އާބާދީގެ ޖިންސުގެ ނިސްބަތަކީ 104އެވެ. މާނައަކީ ރާައްޖޭގެ ކޮންމެ 100 އަންހެނަކަށް 104 ފިރިހެނުން އެބަތިއްބެވެ.
މާލެއާއި އަތޮޅުވެރިކަން ކުރާ ރަށްތަކުގައިވެސް ފިރިހެނުންގެ އާބާދީ މަދެވެ. ސަބަބަކީ ރިސޯޓުތަކާއި ސިނާއީ ރަށްތަކުގައި އުޅޭ ފިރިހެނުން ގިނަވުމެވެ.
ރާއްޖޭގެ ޖުމުލަ އާބާދީއަކީ 515،122އެވެ. މި އާބާދީގެ ތެރެއިން ދިވެހިންނަކީ 382،751 މީހުންނެވެ.
އޭގެ ތެރޭގައި ހިމެނެނީ 382،751 ދިވެހީންނާއި 132،371 ބިދޭސީންނެވެ. ތަފާސްހިސާބުތަކަށް ބަލާއިރު މާލޭގައި 212،138 މީހުން ދިރިއުޅެއެވެ. އެއީ 161،108 ދިވެހީންނާއި 51،030 ބިދޭސީންނެވެ.
ރާއްޖޭގެ މީހުން ދިރިއުޅޭ ރަށްތަކުގެ ތެރެއިން 40 ރަށުގައި އުޅެނީ 500އަށްވުރެ މަދު މީހުންނެވެ. 72 ރަށުގައި 500އާ 999އާ ދެމެދުގެ މީހުން ދިރިއުޅެއެވެ. 5000-9999އާ ދެމެދުގެ އަދަދަކަށް އުޅެނީ ދެ ރަށެއްގަައެވެ. އަދި 10000އަށްވުރެ ގިނަ މީހުން ތިން ރަށެއްގައެވެ.
