އޮފީހެއް ފަޅާލާ ހަތް ލައްކައަށްވުރެ ގިނަ ރުފިޔާ ވަގަށް ނެގި މީހަކު ހައްޔަރުކޮށްފި
28 މާރިޗު 2023 | އަންގާރަ 17:36މައްސަލައިގެ ތުހުމަތުގައި މާލެއިން 43 އަހަރުގެ ދިވެހި ފިރިހެނަކު އަންގާރަ ދުވަހު ހައްޔަރުކޮށްފައިވޭ
ފުލުހުން މީގެކުރިން ހިންގި އޮޕަރޭޝަނެއްގައި ހޯދި ފައިސާތަކެއް
ހެންވޭރު ގެޔެއްގެ ފުރަތަމަ ފަންގިފިލާގައި ހުރި އޮފީހެއް ފަޅާލާ ހަތް ލައްކައަށްވުރެ ގިނަ އަދަދެއްގެ ފައިސާ ވަގަށް ނެގި މީހަކު ހައްޔަރުކޮށްފިއެވެ.
މިމައްސަލައާ ގުޅިގެން ފުލުހުން ބުނީ މިމައްސަލަ ފުލުހުންނަށް މަރޗް މަހުގެ 23 ވަނަ ދުވަހު ހުށަހަޅާފައިވާކަމަށެވެ. މައްސަލައިގެ ތުހުމަތުގައި މާލެއިން 43 އަހަރުގެ ދިވެހި ފިރިހެނަކު އަންގާރަ ދުވަހު ހައްޔަރުކޮށްފައިވެއެވެ. އޭނާ ހައްޔަރުކޮށް ދިރިއުޅުނުތަން ބަލާ ފާސްކޮށް ފަސް ލައްކައަށްވުރެ ގިނަ އަދަދެއްގެ ފައިސާ ހޯދާފައިވާކަމަށް ފުލުހުން ބުނެއެވެ.
މިމައްސަލަ ސީރިއަސް އެންޑް އޯރަގަނައިޒްޑް ކްރައިމް ޑިޕާޓްމަންޓުން އަންނަނީ ތަހުގީގުކުރަމުން ކަމަށް ފުލުހުން ބުނެއެވެ.
