ސްޓެމް އެޑިއުކޭޝަނަށް ބޭނުންވާ ލެޕްޓޮޕާއި މައިކްރޯ އެމިއުލޭޓަރ ހޯދުމަށް ބަޔަކާ ހަވާލުކޮށްފި
ނޮވެލްޓީން 84 ލެޕްޓޮޕް ފޯރުކޮށްދޭނެ
ލެޕްޓޮޕް ހޯދުމުގެ މަސައްކަތް ނޮވެލްޓީ ޕްރިންޓަރސް އެންޑް ޕަބްލިޝަރސް ޕްރައިވެޓް ލިމިޓެޑާ ހަވާލުކުރުން
މޯލްޑިވްސް އެޓޯލް އެޑިއުކޭޝަން ޑިވެލޮޕްމަންޓް ޕްރޮޖެކްޓް (އޭއީޑީޕީ)ގެ ދަށުން ސްޓެމް އެޑިއުކޭޝަނަށް ބޭނުންވާ ބައެއް ސާމާނު ހޯދުމަށް ބަޔަކާ ހަވާލުކޮށްފިއެވެ.
އޭއީޑީޕީއަކީ ވޯރލްޑް ބޭންކު ފަންޑްގެ ދަށުން މިނިސްޓްރީ އޮފް އެޑިޔުކޭޝަންގައި ކުރިއަށްދާ ޕްރޮޖެކްޓެކެވެ.
މިގޮތުން މި ޕްރޮޖެކްޓުގެ ދަށުން ސްޓެމް އެޑިއުކޭޝަންގެ ޓްރެއިނިންގ އަށް 84 ލެޕްޓޮޕް ފޯރުކޮށްދިނުމުގެ މަސައްކަތްކުރުމަށް މިނިސްޓްރީ އޮފް އެޑިޔުކޭޝަނުން ނޮވެލްޓީ ޕްރިންޓަރސް އެންޑް ޕަބްލިޝަރސް ޕްރައިވެޓް ލިމިޓެޑާއެކު ހޯމަ ދުވަހު ވަނީ އެއްބަސްވުމެއްގައި ސޮއިކޮށްފައެވެ.
ނޮވެލްޓީ ޕްރިންޓަރސް އެންޑް ޕަބްލިޝަރސް ޕްރައިވެޓް ލިމިޓެޑްގެ ފަރާތުން މި އެގްރިމެންޓުގައި ސޮއިކުރެއްވީ ފައިނޭންސް މެނޭޖަރ މުޙައްމަދު އާދަމްއެވެ. އަދި މިނިސްޓްރީގެ ފަރާތުން އެއްބަސްވުމުގައި ސޮއިކުރެއްވީ މިނިސްޓްރީގެ ފައިނޭންސް އެކްޒެކެޓިވް ނައުޝާދު އިބްރާހީމެވެ.
މީގެ އިތުރުން ސްޓެމް އެޑިއުކޭޝަނަށް މައިކްރޯ އެމިއުލޭޓަރސް ފޯރުކޮށްދިނުމުގެ މަސައްކަތްކުރުމަށް އެޑިއުކޭޝަން މިނިސްޓްރީން ވަނީ ޔުނިސިޓީ ޕްރައިވެޓް ލިމިޓެޑާއެކު އެއްބަސްވުމެއްގައި ސޮއިކޮށްފައެވެ.
ޔުނިސިޓީ ޕްރައިވެޓް ލިމިޓެޑްގެ ފަރާތުން މި އެއްބަސްވުމުގައި ސޮއިކުރެއްވީ މެނޭޖިންގ ޑިރެކްޓަރ އަބްދުﷲ މިއާދެވެ. މިނިސްޓްރީގެ ފަރާތުން އެއްބަސްވުމުގައި ސޮއިކުރެއްވީ މިނިސްޓްރީގެ ފައިނޭންސް އެކްޒެކެޓިވް ނައުޝާދު އިބްރާހީމެވެ.
އެޑިއުކޭޝަން މިނިސްޓްރީގެ ދަށުން ކުރިއަށްގެންދާ ޕްރޮޖެކްޓުގެ ދަށުން; އިނގިރޭސި، ހިސާބު، އަދި ސައިންސް ކިޔަވައިދިނުމުގެ އިތުރުން މިކަންކަމާ ގުޅުންހުރި ހުނަރު ދަސްކޮށްދޭ ޕްރޮގްރާމުތައް ކުރިއަށްދާނެއެވެ.
