މި ރަމަޟާން މަހު މާލޭގައި 9 އިޙްޔާ ފޯރަމެއް ކުރިއަށް ގެންދާނެ - އިސްލާމިކް މިނިސްޓަރ

މި ރަމަޟާން މަހު މާލޭގައި 9 އިޙްޔާ ފޯރަމެއް ކުރިއަށް ގެންދާނެކަމަށް، އިސްލާމިކް މިނިސްޓަރ ޑރ. އަޙުމަދު ޒާހިރު ވިދާޅުވެއްޖެއެވެ.

ރާއްޖެޓީވީގެ ފަލަސުރުޚީ ޕްރޮގްރާމުގައި ވާހަކަފުޅުދައްކަވަމުން މިނިސްޓަރ ވިދާޅުވީ، ރަމަޟާން މަހަށް ތައްޔާރުވުމުގެ ގޮތުން ފުރަތަމަވެސް ރައްޔިތުންނަށް ރަމަޟާން މަހާ ބެހޭގޮތުން މަައުލޫމާތު ފޯރުކޮށްދީފައިވާކަމަށެވެ. ރަމަޟާން މަސް ފެށުމުގެ ކުރިން 2 ވޯރކްޝޮޕެއް، އާންމުންނާއި ސްކޫލް ކުދިންނަށް ހުޅުވާލައިގެން ބޭއްވިކަމަށް މިނިސްޓަރ ވިދާޅުވިއެވެ.

މިނިސްޓަރ ވިދާޅުވީ ރަމަޟާން މަހުގެ އިޙްޔާ ޖަލްސާތައް މިހާރު ފަށާފައިވާކަމަށާއި، މާލެއާއި އަތޮޅު ތެރޭގައި އިޙްޔާ ފޯރަމްތައް ކުރިއަށްގެންދާ ކަމަށެވެ. މިނިސްޓަރ ވިދާޅުވީ، މާލޭގައި 9 ފޯރަމެއް ކުރިއަށްގެންދާނެ ކަމަށާއި، އެއީ ކޮންމެ ހޯމަ އަދި ހުކުރު ވިލޭރެއެއްގައި ކަމަށެވެ.

މިނިސްޓަރ ވިދާޅުވީ އާންމުންނަށް ބާއްވާ އިޙްޔާ ފޯރަމުގެ އިތުރުން، ސެކަންޑަރީ ސްކޫލް ދަރިވަރުންނަށް ޚާއްޞަ 4 އިޙްޔާ ފޯރަމެއް ކުރިއަށްގެންދާ ކަމަށެވެ.