ޔޫތު ޗެމްޕިއަންޝިޕުގައި ދުވާނެ ތިން އެތްލީޓުން ހޮވައިފި

އަންނަ އޭޕްރީލް މަހު ދެކުނު ކޮރެޔާގައި ބާއްވާ އޭޝިއަން ޔޫތު އެތްލެޓިކްސް ޗެމްޕިއަންޝިޕުގައި ވާދަކުރާ ދުވުންތެރިން ހޮވައިފި އެވެ.

އެތްލެޓިކްސް އެސޯސިއޭޝަން އޮފް މޯލްޑިވްސްއިން ބުނީ މި މުބާރާތަށް ދާނީ ތިން ދުވުންތެރިން ކަމަށެވެ. އެއީ ދެ އަންހެން ދުވުންތެރިންނާއި ފިރިހެން ދުވުންތެރިއެކެވެ. އަންހެން ދުވުންތެރިންނަކީ އަހްނާ ނިޒާރާއި ޒިވާ މޫސާ ޝަފީއު އެވެ. ފިރިހެން ދުވުންތެރިއަކީ ޒުއިޒް މުހައްމަދު ސައުދެވެ. މި ޓީމުގެ ކޯޗެއްގެ ގޮތުން ހަރަކާތްތެރިވާނީ އަބްދުﷲ އިބްރާހީމެވެ.

މި މުބާރާތަކީ މިދިޔަ އަހަރު ބާއްވަން ކުރިން ހަމަޖައްސާފައި އޮތް މުބާރާތެކެވެ. ނަމަވެސް މުބާރާތް މި އަހަރަށް ފަސްކުރީ މިދިޔަ އަހަރު އެތްލެޓިކްސް އިވެންޓްތައް މާބޮޑަށް އިތުރުވުމުގެ ސަބަބުންނެވެ.