ކ. މާލެ
|
22 މާރޗް 2023 | ބުދަ 09:05
ވ އާރަށު ހިޔާނާތުގެ މައްސަލައިގެ ޙުކުމް ކުރެއްވުމުގެ އަޑުއެހުން
ވ އާރަށު ހިޔާނާތުގެ މައްސަލައިގެ ޙުކުމް ކުރެއްވުމުގެ އަޑުއެހުން
ރާއްޖެއެމްވީ
އާރަށު ހިޔާނަތް
އާރަށު ހިޔާނާތް: ޔޫސުފް ނައީމަށް ކުރި ޙުކުމްވެސް އިސްތިއުނާފުކޮށްފި
 
ކްރިމިނަލް ކޯޓުން ޙުކުމް ކޮށްފައިވަނީ މިދިޔަ ޑިސެމްބަރު މަހުގެ 25 ވަނަ ދުވަހު
 
ޔޫސުފް ނައީމަށް ކޮށްފައިވަނީ ރިޝްވަތު ދިނުމުގެ ކުށުގެ ދައުވާ
 
އޭނާ 3 އަހަރާއި، 2 މަހާއި 12 ދުވަހަށް ޖަލަށް ލުމަށް ކްރިމިނަލް ކޯޓުން ވަނީ ޙުކުމް ކޮށްފައި

ވ އާރަށު ހިޔާނާތުގެ މައްސަލައިގައި ޔޫސުފް ނައީމްގެ މައްޗަށް ކޮށްފައިވާ ޙުކުމް އިސްތިއުނާފުކޮށްފިއެވެ.

އާރަށު ހިޔާނާތުގެ މައްސަލައިގައި ޔޫސުފް ނައީމަށް ކޮށްފައިވަނީ ރިޝްވަތު ދިނުމުގެ ކުށުގެ ދައުވާއެވެ. އެ ދައުވާ ސާބިތުވެ، އޭނާ 3 އަހަރާއި، 2 މަހާއި 12 ދުވަހަށް ޖަލަށް ލުމަށް ކްރިމިނަލް ކޯޓުން ޙުކުމް ކޮށްފައިވަނީ މިދިޔަ ޑިސެމްބަރު މަހުގެ 25 ވަނަ ދުވަހުއެވެ.

ދިވެހިރާއްޖޭގައި ޑޮލަރުގެ ސައްޙަ ވިޔަފާރިކުރާ އެތައް ބަޔަކު ތިއްބައި، ޔޫސުފް ނައީމް ފިޔަވައި ޔާމީނަށް ޑޮލަރު ވިއްކާނެ އެހެން ފަރާތެއް ނުވުމަކީ ހަމަ އިއްތިފާޤެއްކަމަށް ދިފާއުން ބުނާއިރު، އެހާ ގިނަ އިއްތިފާޤުތަކެއް ހަމަ އެންމެ ޓްރާންސެކްޝަނަކާއި ގުޅިގެން ހިނގާ ދިއުމަކީ ހަމަ ބުއްދިއަށް ޤަބޫލު ނުކުރެވޭ ނާދިރު ކަމެއްކަމަށް އިސްގާޒީ އަހުމަދު ޝަކީލު އިއްވެވި ޙުކުމުގައިވެއެވެ.

މި މައްސަލައިގެ ތަހުގީގުގައި ޔާމީނާއި ޔޫސުފް ނައީމްވެސް ހެއްކެއް ހުށައަޅާފައެއް ނުވެއެވެ. ނަމަވެސް މައްސަލައިގެ ޝަރީއަތް ފެށުމުން، އެއް ހެކިތަކެއް ހުށައަޅާފައިވާއިރު، ހުރިހާ ހެކިވެރިންވެސް ވަނީ ޔާމީނާއި ޔޫސުފް ނައީމާ ދެމެދު ވެފައިވަނީ ޑޮލަރު މާރު ކުރުމުގެ ވިޔަފާރީގެ މުއާމަލާތެއްކަމަށް ހެކިބަސް ދީފައެވެ.

އެހެންނަމަވެސް، އެ ހެކިވެރިންނަކީ އޮޅުވާލައިގެން، ވަކި ކަމެއް ވަކި ގޮތަކަށް ހިނގިކަން ދެއްކުމަށް އުފައްދާފައިވާ ހެކިންކަން ސާބިތުވާކަމަށް ޙުކުމުގައި ބުނެއެވެ.

މި މައްސަލައިގައި ޔޫސުފް ނައީމްގެ އަތުން ރިޝްވަތު ނަގައި، އެ ފައިސާ ލޯންޑަރ ކޮށްފައިވާތީ ޔާމީނުގެ މައްޗަށް ވަނީ 11 އަހަރުގެ ޖަލު ޙުކުމެއް އިއްވައި، 5 މިލިއަން ޑޮލަރުން ޖޫރިމަނާކޮށްފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް
ގުޅުންހުރި