ދިވެހިރާއްޖޭގެ ފަތުރުވެރިކަމުގެ ސިނާއަތުގެ ވަޒީފާތަކުގެ ތެރޭގައި ހިމެނޭ، ރިޒޯޓު މެނޭޖަރުކަމާއި، އެޗް.އާރް މެނޭޖަރުކަމާއި، ޗީފް އެކައުންޓެންޓުގެ މަޤާމަށް ހަމައެކަނި ދިވެހިންނަށް އަދާކުރެވޭ މަޤާމެއްކަމަށް ކަނޑައެޅުމާބެހޭ ގޮތުން ކާށިދޫ ދާއިރާގެ މެންބަރު ޢަބްދުﷲ ޖާބިރު ރައްޔިތުންގެ މަޖިލީހަށް ޤަރާރެއް ހުށަހަޅުއްވައިފިއެވެ.
ޖާބިރު ހުށަހެޅުއްވި އެ ގަރާރުގައި އޭނާ ވަނީ ރާއްޖޭގެ ފަތުރުވެރިކަމަށް 50 އަހަރުވީ އިރުވެސް ރިޒޯޓު މެނޭޖަރުކަމާއި، އެޗް.އާރް މެނޭޖަރުކަމާއި، ޗީފް އެކައުންޓެންޓުގެ މަޤާމުގައި ގިނަ އަަދިވެސް ގިނަ އަަދަދެއްގެ ބިދޭސީން ތިބޭކަން ފާހަގަކުރައްވާފައެވެ. ފަތުރުވެރިކަމަކީ އިގްތިސާދުގެ ލޭނާރުކަމަށް ވާއިރު މިހާރު ރާއްޖޭގައި އެފަދަ މަޤާމުތަކަށް ބޭނުންވާ ގާބިލް މީހުންނަށް ތައުލީމާއި ތަމްރީނު ފޯރުކޮށްދެވިފައި ހުންނަން ޖެހޭނެ ކަަމަށް ޤަބޫލުކުރައްވާ ކަމަށް ޖާބިރު ވަނީ އެ ގަރާރުގައި ވިދާޅުވެފައެވެ.
މީގެ އިތުރުން ރިޒޯޓު މެނޭޖަރުކަމާއި، އެޗް.އާރް މެނޭޖަރުކަމާއި، ޗީފް އެކައުންޓެންޓުގެ މަޤާމަކީ ދިވެހިން ތިބެން ޖެހޭ މަޤާމުތައް ކަމަށް ޤަބޫލުކުރައްވާ ކަަމަށް ވެސް އޭނާ ވިދާޅުވިއެވެ. އަދި ބައިގަރުނުވެގެން ދިޔަ އިރު ވެސް އެކަންކަމަށް ހައްލު ނުލިބި އޮތުން ނިމުމަކަށް ގެންނަނަވަން ބޭނުންވާކަން އޭނާ ވަނީ ފާހަގަކުރައްވާފައެވެ. އެހެންކަމުން އެ މަސައްކަތްކުރުމަށް މަޖިލީހުގައި ފުޅާ ދާއިރާއެއްގައި ބަހުސްކޮށް މެންބަރުން ދެކޭގޮތް ހާމަކުރުމަކީ މުހިންމު ކަމެއް ކަަމަށް ފެނިވަޑައިގަންނަވާތީ އެ ގަރާރު ހުށަހަޅުއްވަން ނިންމެވީ ކަމަށް ވަނީ ވިދާޅުވެފައެވެ.
