މިއަހަރު އިންޓަރނޭޝަނަލް ތިން ގޭމްސްއަކަށް ޤައުމީ ބެޑްމިންޓަން ޓީމު ތައްޔާރުވަނީ މެޑަލް ހޯދަން – މޫސަ
21 މާރިޗު 2023 | އަންގާރަ 09:47ރާއްޖޭގައިވެސް އިންޓަރނޭޝަން ދެ މުބާރާތް އޮންނާނެ
މިދިޔަ އަހަރުގެ އެންމެ ރަނގަޅު އެސޯސިއޭޝަންގެ އެވޯޑް ބެޑްމިންޓަންއަށް ދެނީ
މިއަހަރު އޮންނަ ބައިނަލްއަޤްވާމީ ތިން ގޭމްސްއަކަށް ރާއްޖޭގެ ޤައުމީ ބެޑްމިންޓަން ޓީމް ތައްޔާރުވަނީ މެޑަލް ހޯދަންކަމަށް އެސޯސިއޭޝަންގެ ރައީސް މޫސާ ނާޝިދު ވިދާޅުވެއްޖެއެވެ.
މިދިޔަ އަހަރުގެ އެންމެ ރަނގަޅު އެސޯސިއޭޝަންގެ އެވޯޑް ހޯދުމަށްފަހު ރާއްޖެ ޓީވީގެ "ކުޅިވަރު ފައިލް" ޕްރޮގްރާމްގައި ވާހަކަދައްކަވަމުން މޫސަ ވިދާޅުވީ އެއްވެސް މުބާރާތެއްގައި ރާއްޖޭގެ ޓީމް ބައިވެރިވުމުގެ ވިސްނުމުގައި ވާދަނުކުރާނެކަމަށެވެ. މިއަހަރު ރާއްޖެއިން ބޭރުގައި އޮންނަ ތިން ގޭމްސްގައިވެސް ވާދަކުރާނީ ނަތީޖާ ނެރެންކަމަށް ވިދާޅުވިއެވެ.
މިއަހަރު ބެޑްމިންޓަން ޓީމް ވާދަކުރާނެ ތިން ގޭމްސްއަކީ އޭޝިޔަން ގޭމްސް, ކޮމަންވެލްތް ގޭމްސް އަދި މީގެކުރިންވެސް މެޑަލް ހޯދާފައިވާ އިންޑިޔަން އޯޝަން އައިލެންޑް ގޭމްސްއެވެ.
މޫސަ ވިދާޅުވީ އެތިން ގޭމްސްއަކީވެސް ބެޑްމިންޓަނަށް ވަރަށް މުހިއްމު ތިން ގޭމްސްކަމަށެވެ. ތިން ގޭމްސްއަށް ޤައުމީ ޓީމް ތައްޔާރުވަމުން ދަނީ ބޭރުގެ ތަޖުރިބާކާރު ކޯޗެއްގެ އެހީގައެވެ.
ތިން ގޭމްސްގެ އިތުރުން އރާއްޖޭގައި އޮންނަ އިންޓަރނޭޝަނަލް ޗެލެންޖް އަދި އިންޓަރނޭޝަނަލް ސީރީޒް އަހަރުގެ ފަހުކޮޅަށް ތާވަލްކުރަން މަސައްކަތްކުރައްވަމުންދާކަންވެސް މޫސަ ފާހަގަކުރެއްވިއެވެ.
