ކ. މާލެ
|
21 މާރޗް 2023 | އަންގާރަ 07:31
100 މީޓަރުގެ ރޭހަށްފަހު ސާއިދު
100 މީޓަރުގެ ރޭހަށްފަހު ސާއިދު
އިންޑިއަން ގްރޯން ޕްރީ
އިންޑިޔާ މުބާރާތުގައި ދެ އިވެންޓުންވެސް ސާއިދުއަށް ރަން މެޑަލް!
 
އެސޯސިއޭޝަން ޗެމްޕިއަންޝިޕްގައި ސާއިދު ވާދައެއް ނުކުރޭ

އިންޑިޔާގެ ޓްރިވެންޑްރަމްގައި ހޯމަ ދުވަހު ފެށި އިންޑިއަން ގްރޯން ޕްރީގައި ރާއްޖޭގެ ބާރު ދުވުންތެރިޔާ ހަސަން ސާއިދު އޭނާ ބައިވެރިވި ދެ އިވެންޓުން ވެސް ރަން މެޑަލް ހޯދައިފިއެވެ.

ސާއިދު ރަން މެޑަލް ހޯދީ މީގެކުރިންވެސް ރަން މެޑަލް ހޯދާފައިވާ ދެ އިވެންޓް ކަމަށްވާ 100 މީޓަރާއި, 200 މީޓަރު ދުވުމުންނެވެ. ފުރަތަމަ މެޑަލް ޔަޤީންކުރީ އޭނާގެ ރަސްމީ އިވެންޓް ކަމަށްވާ 100 މީޓަރުންނެވެ. އޭގެ ފަހުން 200 މީޓަރުގެ ވެސް ރަން މެޑައްޔާއެކު އަހަރުގެ ފެށުން ސާއިދު ވަނީ ކާމިޔާބުކޮށް, ކުރިއަށް ހުރި ގޭމްސްތަކަށް ބޮޑު އިތުބާރެއް ހޯދާފައެވެ.

100 މީޓަރު ރޭސް ސާއިދު ނިންމީ 10.67 ސިކުންތުންނެވެ. އޭނާއާ އެންމެ ގާތުން ވާދަކުރި އިންޑިޔާގެ އަމިޔާ ކުމާގެ ވަގުތަކީ 10.69 ސިކުންތެވެ. ތިންވަނަ ހޯދީ 10.90 ސިކުންތުން ރޭސް ނިންމި ދިއްލީގެ އަމިތު ތިވާރީއެވެ.

Advertisement

200 މީޓަރު ރޭސް ސާއިދު ނިންމީ 21.66 ސިކުންތުންނެވެ. ދެވަނަ ހޯދި ނިއުދިއްލީގެ ޖެނަބާޒްގެ ވަގުތަކީ 22.73 ސިކުންތެވެ.

އިންޑިޔާ މުބާރާތުގައި ވާދަކުރުމަށް މިހަފްތާގައި ހުޅުމާލޭގައި ބޭއްވި އެސޯސިއޭޝަން ޗެމްޕިއަންޝިޕްގައި ސާއިދު ބައިވެރިއެއް ނުވެއެވެ. އެކަމަކު އިންޑިޔާ މުބާރާތުގެ ކާމިޔާބީއާއެކު ސާއިދު ހުރީ އިތުބާރާއެކު ރަނގަޅު ޓްރެކްގައެވެ.

Advertisement
އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
50%
50%
ކޮމެންޓް