ރާއްޖެ
އިސްލާމީ މަރުކަޒުގައި ކާޕެޓު އެޅުން
ރޯދައަށް އިސްލާމީ މަރުކަޒުގައި އައު ކާޕެޓު އަޅަން ފަށައިފި
މިއީ ކޮވިޑާ ގުޅިގެން ނެވިލޯން އެޅިފަހުން ކާޕެޓު ބަދަލުކުރާ ފުރަތަމަ ފަހަރު
ތޯހިރާ އަޒްހާރް, ރާއްޖެ އެމްވީ | 19 މާރިޗު 2023 | އާދީއްތަ 15:09
އިސްލާމީ މަރުކަޒުގައި ކާޕެޓު އެޅުން
ރަމަޟާންމަހަށް ތައްޔާރުވުމުގެ ގޮތުން މަސްޖިދުއްސުލްޠާން މުޙައްމަދު ތަކުރުފާނުލް އަޢުޒަމް (އިސްލާމީ މަރުކަޒު)ގައި އައު ކާޕެޓްއެޅުމުގެ މަސައްކަތް ފަށައިފިއެވެ.
ކޮވިޑް-19 އާއި ގުޅިގެން އިސްލާމީ މަރުކަޒުގައި ކުރިން އަޅާފައިވާ ކާޕެޓު ނަގައި، ނެވިލޯން ވަނީ އަޅާފައެވެ. އޭގެ ފަހުން ކާޕެޓް ބަދަލުކުރުމުގެ މަސައްކަތް ކޮށްފައިނުވަނީ އޭރުގެ ހާލަތަށް ރިއާޔަތްކޮށް ކަމާބެހޭ ފަރާތްތަކުން އެގޮތަށް އިރުޝާދު ދެއްވާފައިވާތީ ކަމަށް އިސްލާމިކް މިނިސްޓްރީން ބުނެއެވެ.
2 އަހަރަށްފަހު މިހާރު އައު ކާޕެޓް އަޅަން ފަށާފައިވާއިރު، މިސްކިތް ސާފުކުރުމުގެ މަސައްކަތްތަކާއި، މިސްކިތުގައި ކުރަންޖެހޭ އެހެނިހެން މަސައްކަތްތައް ދަނީ ކުރަމުންނެވެ.
