ޓްރޯމާ އެންޑް އިމަރޖެންސީގެ ޚިދުމަތް 24 ގަޑިއިރަށް ލިބޭނެ
އައިޖީއެމްއެޗް
މިއަހަރުގެ ރަމަޟާން މަހާއި ޝައްވާލު މަހުގެ ފުރަތަމަ ހަތް ދުވަހު އައިޖީއެމްއެޗުން ޚިދުމަތް ދޭ ގަޑިތައް އާއްމުކޮށްފިއެވެ.
އައިޖީއެމްއެޗުން އާއްމުކޮށްފައިވާ ގޮތުގައި، މި މުއްދަތުގެ ތެރޭގައި ސްޕެޝަލިސްޓް އޯޕީޑީ ކޮންސަލްޓޭޝަންގެ ޚިދުމަތް ފޯރުކޮށްދޭނީ ހެނދުނު 9:00ން ހަވީރު 4:00ށެވެ. އަދި ލެބޯޓްރީގެ ޚިދުމަތްތަކުގެ ތެރެއިން، ކައިގެން ދެގަޑިއިރު ފަހުން ހަދާ ލޭގެ ޓެސްޓުތައް ރޭގަނޑު 8:00ން 10:00ށް ހަދައިދޭއިރު އެހެނިހެން ޓެސްޓުތައް ހަދައިދޭނީ ހެނދުނު 8:00ން ހަވީރު 5:00ށެވެ.
މީގެ އިތުރުން ރޭޑިއޮލޮޖީ ޑިޕާޓްމަންޓުން ޚިދުމަތްދޭނެ ގަޑިތައްވެސް އައިޖީއެމްއެޗުން ވަނީ އާއްމުކޮށްފައެވެ.
އައިޖީއެމްއެޗުން ބުނީ މި ޚިދުމަތްތައް ފޯރުކޮށްދޭ ވަގުތުތަކެއް ކަނޑައަޅައިފައި ވީނަމަވެސް، ޓްރޯމާ އެންޑް އިމަރޖެންސީގެ ޚިދުމަތް 24 ގަޑިއިރު ލިބޭނެކަމަށެވެ.
