ކްރިކެޓް ކާނިވަލް، ރޯދަ މަހު ފުވައްމުލަކާއި ކުނަހަންދޫގައި

ކޮންމެ ރޯދަ މަހަކު ބާއްވާ ރަމަޟާން ކްރިކެޓް ކާނިވަލް މިއަހަރު މާލޭގެ އިތުރުން ފުވައްމުލަކާއި ލ. ކުނަހަންދޫގައި ބާއްވަން ނިންމައިފި އެވެ.

މީގެ ތެރެއިން މާލެ ފިޔަވައި އަނެއް ދެ ރަށުގައި ކުރިއަށްދާނީ އާއްމުކޮށް ހުޅުވާލައިގެން ކުރިއަށް ގެންދާނެ މުބާރާތެކެވެ. މާލޭގައި ތިން މުބާރާތެއް ކުރިއަށްދާނެ އެވެ. އެއީ އެންމެނަށް ހުޅުވާލައިގެން ބާއްވާ އޯޕަން މުބާރާތާއި ސަރުކާރު އޮފީސްތަކާއި ކުންފުނިތަކުގެ މުބާރާތާއި ކުންފުނިތަކުގެ މުބާރާތެވެ.

މީގެ ތެރެއިން ސަރުކާރު އޮފީސް އަދި ކުންފުނި މުބާރާތުގައި ބައިވެރިކުރާނީ ހަ ޓީމެކެވެ. އޯޕަން އަދި ކުންފުނިތަކުގެ މުބާރާތުގައި 12 ޓީމަކަށް ބައިވެރިވުމުގެ ފުރުސަތުދޭނެ އެވެ.

ކްރިކެޓް ބޯޑް އޮފް މޯލްޑިވްސްއިން ބުނެފައިވަނީ މު މުބާރާތްތަކުގައި ބައިވެރިވުމުގެ މުއްދަތު ބުރާސްފަތި ދުވަހަށް ހަމަވާނެ ކަމަށެވެ.

ރަމަޟާން ކްރިކެޓް ކާނިވަލަކީ ކޮންމެ ރޯދަ މަހެއްގައި ވެސް ފޯރިއާއެކު ކުރިއަށްދާ މުބާރާތެކެވެ. މި މުބާރާތުގައި ކުރީގެ ކުޅުންތެރިންނާއި މިހާރުގެ ކުޅުންތެރިންނާއި މީގެ ކުރިން ކްރިކެޓްގެ ތެރެއިން ނުފެންނަ ކުޅުންތެރިން ވެސް ފެނިގެންދެ އެވެ.