ކ. މާލެ
|
11 މާރޗް 2023 | ހޮނިހިރު 19:54
ސިޓީއަށް ކުޅެމުން އަންނަ އާޖެންޓީނާގެ ހޫލިއަން އަލްވާރޭޒް
ސިޓީއަށް ކުޅެމުން އަންނަ އާޖެންޓީނާގެ ހޫލިއަން އަލްވާރޭޒް
ރޮއިޓާސް
މެންޗެސްޓަރ ސިޓީ
ހޫލިއަން އަލްވާރޭޒްގެ އެއްބަސްވުން އައުކުރުމަށް ސިޓީން މަސައްކަތްކުރަނީ
 
ސިޓީން ހުށަހަޅާ އައު އެއްބަސްވުމުގައި އަންނަ ހަފުތާގައި އަލްވާރޭޒް ސޮއިކުރާނެ

މެންޗެސްޓަރ ސިޓީއަށް ކުޅެމުން އަންނަ އާޖެންޓީނާގެ ޒުވާން ފޯވާޑް ހޫލިއަން އަލްވާރޭޒްގެ އެއްބަސްވުން އައުކުރުމަށް އެ ކުލަބުން މަސައްކަތް ކުރަމުން އަންނަކަމަށް މީޑިއާ ރިޕޯޓުތައް ބުނެފިއެވެ.

އުމުރުން 23 އަހަރުގެ ކުޅުންތެރިޔާ ސިޓީއަށް ބަދަލުވީ މިދިޔަ އަހަރުއެވެ. އޭގެ ފަހުން އޭނާ ވިދާލީ މިދިޔަ އަހަރު ގަތަރުގައި އޮތް ފީފާ ވޯލްޑް ކަޕްގައެވެ. އޭގެ ފަހުން އަލްވާރޭޒް ހޯދުމުގެ ޝައުގުވެރިކަން ޔޫރަޕުގެ ގިނަ ކުލަބުތަކުން ގެންގުޅޭއިރު، ސިޓީން ބޭނުންވަނީ އޭނާގެ އެއްބަސްވުން ދިގު މުައްދަތަކަށް އިތުރުކުރުމަށް ކަމަށް ރިޕޯޓުތައް ބުނެއެވެ. މިހާރު ސިޓީއާއެކު އޭނާ ހަދާފައިވާ ފަސް އަހަރު ދުވަހުގެ އެއްބަސްވުން ހަމަވާނީ 2027 ވަނަ އަހަރަށެވެ. ނަމަވެސް ސިޓީން ބޭނުންވަނީ އެ މުއްދަތު އިތުރު އެއް އަހަރަށް އިތުރުކުރަން ކަމަށާއި، އެކަމަށް އަލްވާރޭޒްއާ ސިޓީއާ ދެމެދު އެއްބަސްވުމަކަށް އާދެވިފައިވާކަމަށް ރިޕޯޓުތައް ބުނެއެވެ. ސިޓީން ހުށަހަޅާ އައު އެއްބަސްވުމުގައި އަލްވާރޭޒް އަންނަ ހަފުތާގައި ސޮއިކުރާނެ ކަމަށްވެސް ރިޕޯޓުތައް ބުނެއެވެ.

އަލްވާރޭޒް ވަނީ މިހާތަނަށް ސިޓީއަށް 31 މެޗު ކުޅެދީ، 10 ލަނޑު ޖަހާފައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އައިޝަތު ރިޔާޒް
0%
0%
0%
0%
0%
0%
ކޮމެންޓް