ރައީސްގެ ދެކަނބަލުންގެ ޒިޔާރަތެއް ސެސިލިއަންހޮފް ގަނޑުވަރަށް

ރައީސުލްޖުމްހޫރިއްޔާ އިބްރާހީމް މުހައްމަދު ސާލިހާއި އެމަނިކުފާނުގެ އަނބިކަނބަލުން ފަޒްނާ އަހުމަދު، ސެސިލިއަންހޮފް ގަނޑުވަރަށް ޒިޔާރަތްކުރައްވައިފިއެވެ.

އެ ގަނޑުވަރަށް ރައީސްގެ ދެކަނބަލުން ވަޑައިގަންނަވާފައި ވަނީ ބުރަސްފަތި ދުވަހު މެންދުރުގެ ވަގުތެއްގައެވެ. ސެސިނިއަންހޮފް ގަނޑުވަރު ހުންނަނީ ޖަރުމަނުގެ ބްރޭންޑެންބަރގްގައެވެ. މިއީ ދެވަނަ ބޮޑު ހަނގުރާމަ ނިމުމަކަށް ގެނައުމަށް މަޝްވަރާ ކުރި ޕޮޓްސްޑެމް ކޮންފަރެންސް ބޭއްވި ތަނެވެ.

ޖަރުމަނަށް ރައީސްގެ ދެކަނބަލުން ވަޑައިގަންނަވާފައި ވަނީ ރަސްމީ ދަތުރުފުޅެއްގައެވެ. ޖަރުމަނު ވިލާތުގެ ބަރލިންގެ މެސޭ ބަރލިންގައި މިހާރު ކުރިއަށްދާ، ދުނިޔޭގެ ފަތުރުވެރިކަމުގެ އެންމެ ބޮޑުފެއަރ ކަމުގައިވާ، އިންޓަރނޭޝަނަލް ޓުއަރިޒަމް ބޯސޭ (އައި.ޓި.ބީ) ބަރލިން ފެއަރއަށްވެސް ރައީސްގެ ދެ ކަނބަލުން ވަނީ ވަޑައިގަންނަވާފައެވެ.