ބޭނުންވަނީ މެޑްރިޑަށް ފަސޭހައިން ކަންކަން ނުވާން: ސްޕެނިޝް ލީގް
8 މާރިޗު 2023 | ބުދަ 08:25ސްޕެނިޝް ލީގަށް ފައިދާ ބޮޑީ މެޑްރިޑް ބޭނުންވާ ހުރިހާ ކަމެއް ނުވުމުން: ލީގުގެ ރައީސް
ރެއާލް މެޑްރިޑްގެ ކުޅުންތެރިން ޗެމްޕިއަންސް ލީގް ކާމިޔާބު ކުރުމަށްފަހު
ރެއާލް މެޑްރިޑުން ބޭނުންވާ ހުރިހާ ކަމެއް އެހާ ފަސޭހައިން ވާން ނޭދޭ ކަމަށް ސްޕެނިޝް ލީގުން ބުނެފި އެވެ.
ލީގުގެ ރައީސް ހާވިއާ ޓަބޭސް ބުނީ ސްޕެނިޝް ލީގުގައި ސިސްޓަމެއް އޮންނަ ކަމަށާއި އޭގެ ތެރެއިން އެންމެ ފަސޭހައިން ކަންކަން ކުރެވެން އޮތް ކުލަބަކީ ރެއާލް މެޑްރިޑް ކަމަށެވެ. ސަބަބަކީ އެމީހުންގެ އާމްދަނީ ކުލަބުގައި ފައިސާ ގިނަވުން ކަމަށެވެ.
އޭނާ އަދި ބުނީ ސްޕެނީޝް ލީގުގައި ހުރިހާ ކުލަބެއް ވެސް އަހަރަކު ހަތަރު ފަހަރު އެސެސްކުރާނެ ކަމަށާއި ކޮންމެ ކުލަބަކަށް ވެސް ކުރަންވީ ކަންކަމާއި ނުކުރަންވީ ކަންކަން ބުނެދޭކަމަށެވެ. ނަމަވެސް އެންމެ ހަރުދަނާކޮށް ހިންގާ ކުލަބަކީ ރެއާލް މެޑްރިޑް ކަމަށެވެ.
ނަމަވެސް މިއާ ހިލާފަށް ޓަބޭސް ބުނީ ވާދަވެރި ބާސެލޯނާގެ އަމަލުތައްހުރީ ގޯސްކޮށް ކަމަށާއި އިތުރަށް ކުޅުންތެރިން ގެނައުން މަނާކުރަން ޖެހިދާނެ ކަމަށެވެ. އަދި ސްޕެނިޝް ލީގުން އެދެނީ ބާސެލޯނާއިން ކުޅުންތެރިންތަކެއް ވިއްކާލައި އެކައުންޓް ބެލެންސްކުރުން ކަމަށެވެ.
