ޕާސްތާ މިކެއްކެނީ ރަނގަޅަށްތަ؟ ރަގަޅު ވަގުތު ލޮނު ލުން ވަރަށް މުހިންމު

ޕާސްތާ އަކީ ދިވެހި ސުފުރާތަކުމަތިން ވެސް މިހާރަކަށް އައިސް ވަރަށް ގިނައިން ފެންނަ ކެއުމުގެ ބާވަތެކެވެ. ސްޕެގެޓީ، ލަޒަގްނާ، ރަވިއޯލީ، ކަނެލޯނީ މިއީ ހައްތާވެސް ޕާސްތާގެ ވައްތަރުތަކެވެ.  

އެހެންވެސް ކާތަކެއްޗެކޭ އެއްފަދައިން ޕާސްތާ ވެސް އެތައްޔާރު ކުރަން ޖެހޭގޮތަށް ނުކޮށްފިނަމަ އެއިން ހަށިގަޑަށް ބޮޑެތި ގެއްލުންތައް ލިބިދާނެ ކަން ޔުނިވަރސިޓީ އޮފް ސައުތުކެރޮލައިނާގެ ބައެއް ސައެންޓިސްޓުން ވަނީ ސާބިތު ކޮށްދީފައެވެ.

ޕާސްތާއަކީ އިޓަލީގެ އުފެއްދުމެއް ކަމަށްވާއިރު ލޮނު ނުލާކައްކާފަ ހުންނަ ޕާސްތާއަށް އެމީހުންގެ ބަހުން ޚާއްސަ ނަމެއްވެސް ކިޔައެވެ. އެއީ "ޝޮއްކާ" އެވެ. މިބަހުގެ މާނަޔަކީ "ސިލީ" ނުވަތަ ފީކަޅާ، ބޭނުމެއްނެތް އެއްޗެކޭ ބުނުމުގެ ގޮތުން ބޭނުންކުރާ ލަފްޒެކެވެ. އެހާވެސް ޕާސްތާއަށް ލޮނުގެ މުހިންމުކަން ބޮޑެވެ. އެހެން ނަމަވެސް ލޮނު ލާން މިޖެހެނީ ރަގަޅު ވަގުތު ގައެވެ. ނޫންނަމަ ކެންސަރު ޖެހުމާ އަދި ލިވަރ ފެއިލްވުން ފަދަ ކަންކަމަށް ހުށަހެޅުން ގާތްކަމަށް ޔުނިވަރސިޓީ އޮފް ސައުތު ކެރޮލީނާގެ ބައެއް ސައިންޓިސްޓުން މިވަނީ ދައްކާދީފައެވެ.

އާންމުކޮށް ގިނަ މީހުން ޕާސްތާ ކައްކާއިރު ލޮނުލަނީ ފެންގަޑަށެވެ. ލޮނުލައިގެން ފެންގަޑު ކެކިގަތުމުން އެއަށް ޕާސްތާ އަޅަނީއެވެ. ނަމަވެސް މިއީ އެކަން ކުރަން އޮންނަގޮތް ނޫން ކަމަށް ވެއެވެ. އެހެނީ އިސްކުރުން އަންނަ ފެނަށް އަޔޮޑައިޒްޑް ލޮނު އަޅައިގެން ކެއްކުމުން ނުރައްކާތެރި ބައި-ޕްރޮޑަކްޓެއް އުފެދޭ ކަމަށް ތަހުލީލު ތަކުން ދައްކާފައި ވާތީއެވެ. މިގޮތަށް ދިމާވަނީ އިސްކުރުފެނުގަ، މަދު އަދަދަކަށް ނަމަވެސް އެކުލެވޭ "ޑިސްއިންފެކްޓަންޓް" އާ އައޮޑައިޒްޑް ލޮނާ އެއްކޮށް ކެކުނީމަ ކަމަށް ވެއެވެ.  

އެހެން ކަމުން ޕާސްތާ ކައްކަން ރަގަޅު ގޮތަކީ ތެއްޔަށް ފެން އެޅުމަށްފަހު ލޮނު ނުލާ، ތެލީގަ މަތިވެސް ނުޖަހާ ފެންގަޑު ކެއްކުމެވެ. މަތިނުޖަހާ ފެންގަނޑު ކެއްކުމުން އޭގަ ހުންނަ "ޑިސްއިންފެކްޓަންޓް" ބައި އަރައިގެން ދެއެވެ. އެއަށް ފަހު އޭގެ ތެރެޔަށް ތެޔޮފޮދެއް އަޅާ އެއަށްފަހު ޕާސްތާ އަޅާ، ކަންކަން އޮންނަ ވަރަށް (7 ބައި މިނިޓް) ކެއްކުމަށް ފަހު ފެންގަޑު އެއްކޮށް އޮއްސާލާނީއެވެ. އަދި އޭގެ ފަހުން ލޮނު ލާނީއެވެ.

މިގޮތަށް ލާނީ އައޮޑައިޒްޑް ލޮނެވެ. ޕާސްތާ ކައްކާ ފެންގަޑު އޮއްސާލުމަށް ފަހު އައޮޑައިޒްޑް ލޮނު ލުމުން ނުރައްކާތެރި ބައި-ޕްރޮޑަކްޓް އުފެދުމުގެ ފުރުސަތު ކުޑަވެއެވެ.

ޓީމުންހެދި ތަހުލީލުގައި އާންމުކޮށް ގިނަ މީހުން ހަދާގޮތަށް ފެންގަނޑަށް ލޮނުލައިގެން ކައްކާ އެއަށް ޕާސްތާ އެޅުމުން ޓީމް އަށް ވަނީ ހަ ވައްތަރެއްގެ "ޓޮކްސިކް" ކޮމްޕައުންޑް ދެނެގަނެވިފައި ވެއެވެ. މި ގޮތުން ޕަސްތާގަވެސް ފެންގަޑުގަވެސް އެމާއްދާ އެކުލެވޭ ކަމަށް ވެއެވެ.    

ފަހަރެއްގަވެސް ފެންގަޑަށް ލޮނުލާނަމަ ލާންޖެހޭނީ އައޮޑައިޒްޑް ނޫން ލޮނު ކަމަށް ވެއެވެ.

މައުލޫމާތު: މެއިލް އޮންލައިން