ހުޅުމާލެ ދެވަނަ ފިޔަވަހީގައި ބާބަކިޔު އޭރިއާއެއް ގާއިމުކޮށްފި
3 މާރިޗު 2023 | ހުކުރު 15:19މި ސަރަހައްދު ހުޅުވުމަށް ހާއްސަ ބާބަކިޔު އިވެންޓެއް ވަނީ ބާއްވާފައި
ހުޅުމާލެ ދެވަނަ ފިޔަވަހީގައި ގާއިމް ކުރި ބާބަކިޔު އޭރިއާ
ހުޅުމާލޭގެ ދެވަނަ ފިޔަވަހީގައި ދިރިއުޅޭ ފަރާތްތަކަށް ހާއްސަކޮށްގެން, ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ބާބަކިއު އޭރިއާއެއް ގާއިމުކޮށްދީފިއެވެ.
ދެވަނަ ފިޔަވަހީގެ ބާބަކިޔު އޭރިއާގެ ގޮތުގައި ހަމަޖައްސާފައިވަނީ ރުއްގަނޑު 3އެވެ. އެ ސަރަހައްދު ރަސްމީކޮށް ހުޅުވުމުގެ ގޮތުން ހިޔާ ސަރަހައްދުގައި ދިރިއުޅޭ އާންމުންނަށް ހުކުރު ދުވަހުގެ ހަވީރު، ބާބަކިއު އިވެންޓެއް އެޗްޑީސީގެ ފަރާތުން ވަނީ ބާއްވާފައެވެ.
މި އިވެންޓުގައި ހިޔާ ކޮމިއުނިޓީތަކުގެ އިސް ބޭފުޅުންނާއި, އެޗްޑީސީގެ އިސްވެރިން ބައިވެރިވެލެއްވިއެވެ.
ހުޅުމާލޭގައި ބާބަކިއު ހަދާނެ ސަރަހައްދެއް ގާއިމުވެގެން ދިއުމަކީ އެ ސަރަހައްދުގައި ދިރިއުޅޭ ފަރާތްތަކަށް ލިބިގެންދާނެ އިތުރު ފަސޭހަކަމެއް ކަމަށް އެޗްޑީސީން ބުންޏެވެ،
ހިޔާ ސަރަހައްދުގައި މިހާރު ކުރަމުންދާ ގިނަގުނަ މަސައްކަތްތައް ކުރުމުގައި އެ ސަރަހައްދުގައި ދިރިއުޅޭ ރައްޔިތުން ހިޔާލާއި މަޝްވަރާ ހޯދައި, ރައްޔިތުން ބޭނުންވާ ގޮތަށް އެސަރަހައްދަށް ތަރައްޤީ ގެނައުމަކީ އެޗްޑީސީގެ އަމާޒެކެވެ.
