ކ. މާލެ
|
25 ފެބްރުއަރީ 2023 | ހޮނިހިރު 19:46
ސަވާދީއްތަ ދަތުރުގައި ބައިވެރިވާ ޔޮޓުތައް
ސަވާދީއްތަ ދަތުރުގައި ބައިވެރިވާ ޔޮޓުތައް
ސަވާދީއްތަ ދަތުރު
ސަވާދީއްތަ ދަތުރުގައި ބައިވެރިވާ ޔޮޓުތައް ލަންދޫގައި ބަނދަރުކުރަން ފަށައިފި
 
ފެބްރުއަރީ 26ގައި 2 ޔޮޓެއް ބަނދަރުކުރާނެ
 
ސަވާދީއްތަ ދަތުރު މާރޗް 1ގައި ފަށާނެ

ސަވާދީއްތަ ދަތުރު 2ގައި ބައިވެރިވާ ޔޮޓުތައް ލަންދޫގައި ބަނދަރުކުރަން ފަށައިފިއެވެ.

މިއަހަރުގެ ސަވާދީއްތަ ދަތުރު މާރޗް 1ގައި ފެށުމަށް ދަނީ ތައްޔާރުވަމުންނެވެ. މިއަހަރުގެ ދަތުރު ފަށަނީ ނ. ލަންދޫއިންނެވެ.

މި ދަތުރު އިންތިޒާމުކުރާ ފަރާތް ކަމަށްވާ، މޯލްޑިވްސް އިންޓަގްރޭޓެޑް ޓޫރިޒަމް ޑިވެލޮޕްމެންޓް ކޯޕަރޭޝަން (އެމްއައިޓީޑީސީ)އިން ބުނީ ދަތުރުގައި ބައިވެރިވާ ޔޮޓުތައް މިހާރު ލަންދޫގައި ބަނދަރުކުރަން ފަށާފައިވާކަމަށެވެ.

ފެބްރުއަރީ 25 ވަނަ ދުވަހު 2 ޔޮޓެއް ލަންދޫގައި ބަނދަރުކޮށްފައިވާކަމަށާއި، 26ގައި ވެސް 2 ޔޮޓެއް ބަނދަރުކުރާނެ ކަމަށް އެމްއައިޓީޑީސީން މައުލޫމާތުދެއެވެ. އަދި 28 ވަނަ ދުވަހުގެ މެންދުރު ކުރިން ހުރިހާ ޔޮޓެއް ލަންދޫގައި ބަނދަރުކުރާނެ ކަމަށް އެމްއައިޓީޑީސީން ބުނެއެވެ.

މި ދަތުރު ފެށުމަށް ތައްޔާރުވުމުގެ ގޮތުން އެމްއައިޓީޑީސީ އެޑްވާންސް ޓީމު ވަނީ، ފެބްރުއަރީ 25 ވަނަ ދުވަހު ލަންދޫގައި ކޭމްޕުކޮށްފައެވެ. ޚާއްސަ ރަސްމިއްޔާތަކާއެކު މާރޗް 1 ވަނަ ދުވަހުގެ ހެނދުނު ސަވާދީއްތަ ދަތުރު ފަށާނެއެވެ.

މާރޗް 18ގެ ނިޔަލަށް ދެމިގެންދާ މި ދަތުރުގައި 9 ރަށަކަށް ދަތުރުކުރަން ވަނީ ނިންމާފައެވެ. އެރަށްތަކަކީ ނ. ލަންދޫ، ޅ. ހިންނަވަރު، ބ. ގޮއިދޫ، އއ. ތޮއްޑޫ، އއ. ރަސްދޫ، އއ. އުކުޅަސް، އދ. ދަނގެތި، އދ. ދިގުރަށް އަދި އދ. މާމިނގިިއްޔެވެ.

މިފަހަރުގެ ދަތުރުގައިވެސް ރަށްރަށަށް ގޮސް، ދިވެހިވަންތަ އެތައް ކަމެއް ތަޖުރިބާކުރާނެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އައިޝަތު ރިޔާޒް
0%
0%
0%
0%
0%
0%
ކޮމެންޓް