މިދިޔަ މަހު 55 އިންސައްތަ މީހުން ޖަލަށް ލީ މަސްތުވާތަކެއްޗާ ގުޅުންހުރި ކުށްތަކުގައި
25 ފެބުރުއަރީ 2023 | ހޮނިހިރު 09:57އާންމު ތަންތަނުގައި ތޫނު އެއްޗެހި ބޭނުންކޮށްގެން 4 އިންސައްތަ މީހުން ބަންދުކޮށްފައިވޭ
މޯލްޑިވްސް ކަރެކްޝަނަރ ސަރވިސް
މިދިޔަ މަހު ޖަލަށް ލާން ޙުކުމް ކުރެވުނު މީހުންގެ ތެރެއިން 55 އިންސައްތަ ހިއްސާކުރަނީ މަސްތުވާތަކެއްޗާ ގުޅުންހުރި ކުށްތަކުގައިކަމަށް މޯލްޑިވްސް ކަރެކްޝަންސް ސަރވިސްއިން ބުނެފިއެވެ.
ކަރެކްޝަންސް އިން އާންމުކޮށްފައިވާ ތަފާސްހިސާބުތައް ދައްކާ ގޮތުގައި ޖެނުއަރީ މަހު 43 މީހަކު ޙުކުމް ތަންފީޒު ކުރުމަށްޓަކައި ޖަލަށް ލާފައިވެއެވެ.
އޭގެ ތެރެއިން 55 އިންސައްތަ މީހުން ހިއްސާ ކުރަނީ މަސްތުވާތަކެއްޗާ ގުޅުންހުރި ކުށްތަކުގައެވެ.
އޭގެ އިތުރުން، 16 އިންސައްތަ ހިއްސާ ކުރަނީ ފޭރުމާ ގުޅޭ ކުށްތަކުގައެވެ. އަދި ހުއްދަނެތި ތަންތަނަށް ވަނުމާ ގުޅޭ ކުށްތަކުގައި ބަންދު ކޮށްފައިވާ މީހުންގެ ނިސްބަތަ އަކީ 7 އިންސައްތައެވެ.
އާންމު ތަންތަނުގައި ތޫނު އެއްޗެހި ބޭނުންކޮށްގެން 4 އިންސައްތަ މީހުން ބަންދުކޮށްފައިވެއެވެ.
ޖަލުތަކުގައި ގައިދީންނާ މެދު އަމަލު ކުރާނެ ގޮތުގެ އެންމެ ދަށް މިންގަނޑުތައް ކަނޑައަޅާފައިވާ ދި ޔުނައިޓެޑް ނެޝަނަލް ސްޓޭންޑަޑް މިނިމަމް ރޫލްސް ފޯރ ދި ޓްރީޓްމަންޓު އޮފް ޕްރިޒަންސް، ދި ނެލްސަން މަންޑޭލާ ރޫލްސްއަށް ޖަލު އޮފިސަރުންވެސް ގެންދަނީ ތަމްރީނު ކުރަމުންނެވެ.
