ސ. ހިތަދޫގައި ތޫނު އެއްޗަކުން ހަމަލާދިން މީހަކު ޝަރީއަތް ނިމެންދެން ބަންދުގައި ބަހައްޓަން އަމުރުކޮށްފިއެވެ.

މިކަމާގުޅިގެން ފުލުހުން ބުނީ ހިތަދޫގައި ހިންގި މާރާމާރީއާ ގުޅިގެން ހައްޔަރުކުރި މީހާގެ ބަންދާމެދު ގޮތެއް ނިންމުމަށް ހުކުރު ދުވަހުގެރޭ ހިތަދޫ މެޖިސްޓްރޭޓް ކޯޓަށް ހާޒިރުކުރުމުން، ޝަރީއަތް ނިމެންދެން ބަންދުގައި ބެހެއްޓުމަށް އަމުރުކޮށްފައިވާކަމަށެވެ.

ފުލުހުންނަށް މި މައްސަލަ ހުށަހެޅީ 16 ފެބްރުއަރީ ވީ ބުރާސްފަތި ދުވަހުގެ ރޭގެ 10:02 ހާއިރުއެވެ.

މި މައްސަލައާ ގުޅިގެން 18 އަހަރުގެ ދިވެހި ފިރިހެނަކު ހައްޔަރުކޮށްފައިވާއިރު، މިކަން ހިނގި ގޮތާއި ޒަޚަމްވީ މީހާއަށް ލިބިފައިވާ އަނިޔާތަކުގެ ތަފްސީލެއް ހާމަކޮށްފައެއް ނުވެއެވެ.

މި ހަމަލާގައި އަނިޔާވިމީހާއަށް ހޮސްޕިޓަލުގައި ފަރުވާ ދީފައިވެއެވެ. މިމައްސަލަ ފުލުހުން ދަނީ އިތުރަށް ތަހުގީގުކުރަމުންނެވެ.