ދިރުވާލައިގެން ރާއްޖެއަށް މަސްތުވާތަކެތި އެތެރެކުރިކަމަށް ބެލެވޭ ބިދޭސީ މީހާގެ ހަށިގަނޑުން، މަސްތުވާތަކެތި ކަމަށް ބެލެވޭ 127 ބުލެޓް ނުވަތަ (1353 ގްރާމް)ގެ މަސްތުވާތަކެތި ނަގާފައިވާ ކަމަށް ފުލުހުން ބުނެފިއެވެ.

ފުލުހުން ބުނިގޮތުަގައި މި ހަފުތާގެ ތެރޭގައި، ދިރުވާލައިގެން ޑްރަގް އެތެރެކުރި މައްސަލައަކާ ގުޅިގެން ހައްޔަރު ކޮށްފައިވަނީ 49 އަހަރުގެ ބިދޭސީ ފިރިހެނެކެވެ. މި މައްސަލައާ ގުޅިގެން ހައްޔަރުކުރި ބިދޭސީ މީހާގެ ބަންދަށް 15 ދުވަސް ވަނީ ޖަހާފައެވެ.

އޭނާއަކީ ލެޓީވިއާއަށް ނިސްބަތްވާ މީހެއްކަމަށްވެސް ފުލުހުން ބުނެއެވެ. ފުލުހުން ބުނީ އޭނާ ހައްޔަރު ކޮށްފައިވަނީ ދިވެހި ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން، އިމިގްރޭޝަނާއި މޯލްޑިވްސް ކަސްޓަމްސް ސަރވިސް ގުޅިގެންނެވެ.

ފުލުހުންގެ ޑްރަގް އެންފޯސްމެންޓުން ދަނީ މި މައްސަލަ ތަހުގީގުކުރަމުންނެވެ.