ޗެލްސީ ބަލިކޮށް ފުރުޞަތު ބޮޑުކުރީ ޑޯޓްމަންޑުން
ޑޯޓްމަންޑުން މެޗު ކާމިޔާބުކުރީ 1-0 ން
ކަރީމް އަޑޭމީ ޖެހި ހަމައެކަނި ގޯލަށްފަހު އުފާފާޅުކުރަނީ
ޖެނުއަރީ ޓްރާންސާފައި ބޮޑު ހޭދައެއްކޮށް, ސްކޮޑް ވަރުގަދަކުރި ޗެލްސީ ބަލިކޮށް, ޗެމްޕިއަންސް ލީގު ކުއާޓާ ފައިނަލްގެ ފުރުޞަތު ޖަރުމަނުގެ ބޮރޫޝިޔާ ޑޯޓްމަންޑުން ބޮޑުކޮށްފިއެވެ.
ގަދަ ސޯޅަ ޓީމް ވާދަކުރާ ބުރުގެ ފުރަތަމަ ލެގުގައި ޑޯޓްމަންޑުން އަމިއްލަ ދަނޑުގައި ޗެލްސީ ބަލިކުރީ 1-0 ނެވެ. ހަމައެކަނި ލަނޑު ދެވަނަ ހާފްގައި ޖެހީ ކަރީމް އެޑޭމީއެވެ. މެޗުގެ ފުރަތަމަ ހާފްގައި ޗެލްސީގެ ފެލިކްސް އަށް ލިބުނު ފުރުޞަތުތައް ބޭނުމެއް ނުކުރެވުނެވެ. މިނަތީޖާގެ ސަބަބުން އަންނަ މަހުގެ ހަތްވަނަ ދުވަހު ޗެލްސީގެ ދަނޑުގައި ކުޅޭ ދެވަނަ ލަގުން ދެ ލަނޑުގެ ތަފާތުން މޮޅުވުން ނޫންގޮތެއް ޗެލްސީއަކަށް ނެތެވެ. މެޗު އެއްވަރުކޮށްލައިގެން ވެސް ޑޯޓްމަންޑަށް ކުއާޓާ ފައިނަލަށް ދެވޭނެއެވެ.
ޗެމްޕިއަންސް ލީގުގެ ގަދަ ސޯޅައިގައި ޕޯޗްގަލްގެ ބެންފީކާއިން ވަނީ ރަށުން ބޭރުގައި 2-0 ގެ މޮޅެއް ހޯދައިގެން ކުއާޓާގެ ހިތްހަމަޖެހުން ހޯދާފައެވެ. އެއީ ބެލްޖިއަމްގެ ކްލަބް ބުރޫޖް 2-0 އިން ބަލިކޮށްގެންނެވެ. މިހާރު ނަތީޖާ އޮތްގޮތުން ބެންފީކާއަށް ފުރުޞަތު ގެއްލޭނީ އަމިއްލަ ދަނޑުގައި ކުޅޭ ދެވަނަ ލެގުން ތިން ލަނޑުގެ ތަފާތަކުން ބަލިވެގެންނެވެ.
