ރަންތާޖު ޤުރުއާން މުބާރަތުގެ މާލެ އޮޑިޝަން މި މަހުގެ 15 އަދި 16 ގައި މާލޭގައި ބާއްވާނެއެވެ.

ތިންލައްކަ ރުފިޔާގެ ފައިސާގެ އިނާމާއެކު ކުރިއަށްގެންދާ، "ރަންތާޖު" ޤުރުއާން މުބާރާތުގެ މާލޭގެ އޮޑިޝަން އޮންނާނީ ފެބްރުއަރީ 15 އަދި 16 ވަނަ ދުވަހުގެ ހެނދުނު 9:00ން ފެށިގެންނެވެ. އޮޑިޝަން އޮންނާނި މާލޭގެ ސޯޝަލް ސެންޓަރުގައެވެ.

މުބާރާތުގެ މާލޭ އޮޑިޝަންގައި ބައިވެރިވެވަޑައިގަންނަވަން ބޭނުންވާ ފަރާތްތަކުން އެ ދުވަހު އޮޑިޝަން ކުރިއަށްދާއިރު ސޯޝަލް ސެންޓަރުގެ ހޯލަށް ވަޑައިގަތުމުން އޮޑިޝަންގައި ބައިވެރިވެވޭނެއެވެ.

މި މުބާރާތުގެ އޮޑިޝަންގައި 16 އަހަރާއި 45 އަހަރާއި ދެމެދުގެ އުމުރުފުރާގެ ކޮންމެ މީހަކަށް ވެސް ބައިވެރިވެވޭނެއެވެ.

މި މުބާރާތަކީ މިހާތަނަށް ރާއްޖޭގައި އެންމެ ފުޅާ ދާއިރާއެއްގައި ކުރިއަށްގެންދާ ޤުރުއާން މުބާރާތްކަން ފާހަގަކޮށްލެވެއެވެ. މުބާރާތުގެ އޮޑިޝަންތަކުން 20 ބައިވެރިން ހޮވުމަށް ވަނީ ހަމަޖެހިފައެވެ. އަދި މި މުބާރާތުގެ ޖަޖުންގެ ގޮތުގައި ރާއްޖޭގެ ފުންނާބު އުސް 10 ގާރީން ހަރަކާތްތެރިވެވަޑައިގަންނަވައެވެ.