މުހްޔިއްދީން ސްކޫލުގެ މަލްޓިޕަރޕަސް ހޯލް އިމާރާތުގެ މަސައްކަތް ބަޔަކާ ހަވާލުކޮށްފި
11 ފެބުރުއަރީ 2023 | ހޮނިހިރު 17:04މިމަސައްކަތް ހަވާލުކޮށްފައިވަނީ އަލްޓެކް މޯލްޑިވްސް ޕްރައިވެޓް ލިމިޓެޑާ
މުހްޔިއްދީން ސްކޫލުގެ މަލްޓިޕަރޕަސް ހޯލް އިމާރާތްކުރުމުގެ އެއްބަސްވުމުގައި ސޮއިކުރަނީ
މުހްޔިއްދީން ސްކޫލުގެ މަލްޓިޕަރޕަސް ހޯލް އިމާރާތުގެ މަސައްކަތް ބަޔަކާ ހަވާލުކޮށްފިއެވެ.
މިމަސައްކަތް ހަވާލުކޮށްފައިވަނީ އަލްޓެކް މޯލްޑިވްސް ޕްރައިވެޓް ލިމިޓެޑާއެވެ. އެއީ 365 ދުވަހުގެ ތެރޭގައި މަސައްކަތް ނިންމާގޮތަށެވެ. މިއީ 12,211,999.62(ބާރަ މިލިއަން ދެ ލައްކަ އެގާރަ ހާސް ނުވަސަތޭކަ ނުވަދިހަ ނުވަ ރުފިޔާ ފަސްދޮޅަސް ދެލާރި)ގެ މަޝްރޫއެކެވެ.
ސްކޫލްތަކުގައި ކިޔަވައިދިނުމަށް އޮތް ތަކުލީފު ކުޑަކޮށް، ޖާގައާއި ވަސީލަތްތައް އިތުރުކުރުމަށް ރާއްޖޭގެ އެކި ކަންކޮޅުތަކުގައި 1578 ކްލާސްރޫމާއި، 85 މަލްޓިޕާޕަސް ހޯލްގެ މަސައްކަތް ދަނީ ހިނގަމުންނެވެ. މީގެ އިތުރުން، ތައުލީމީ ދާއިރާއާގުޅޭ އިތުރު 509 އުމްރާނީ މަޝްރޫއު ދަނީ ހިންގަމުންނެވެ.
