މަސްތުވާތަކެތީގެ މައްސަލައެއްގައި ހަތަރު މީހަކު ބަންދު ކުރުމަށް ކްރިމިނަލް ކޯޓުން އަމުރުކޮށްފިއެވެ.
ކްރިމިނަލް ކޯޓުން އެގޮތަށް އަމުރުކޮށްފައިވަނީ ހުކުރު ދުވަހު ބޭއްވި, ބަންދާގުޅޭ ގޮތުން ގޮތެއް ނިންމުމުގެ އަޑުއެހުމުގައެވެ.
މި މައްސަަލައާ ގުޅިގެން ބަންދުކޮށްފައިވަނީ 39 އަހަރުގެ މީހަކާއި، 26 އަހަރުގެ މީހަކާއި، 31 އަހަރުގެ މީހެއްގެ އިތުރުން، 34 އަހަރުގެ މީހެކެވެ.
އެމީހުންގެ މައްޗަށް ތުހުމަތު ކުރެވޭ ކުށް ކުރިކަމަށް ތުހުމަތު ކުރެވޭ މިންވަރަށް ހެކި ހުށަހަޅާފައިވާކަމަށް އަމުރުގައި ބުނެފައިވެއެވެ.
އެމީހުން ބަންދުކޮށްފައިވަނީ ދިވެހިރާއްޖޭގެ ގާނޫނު އަސާސީގެ 49 ވަނަ މާއްދާއާއި، ޖިނާއީ އިޖުރާއަތުގެ ގާނޫނުގެ 59 ވަނަ މާއްދާއަށް ރިއާޔަތްކޮށް، އެ ގާނޫނުގެ 60 ވަނަ މާއްދާގެ ދަށުންނެވެ. އެއީ މުޖުތަމައުގެ ސަލާމަތަށް ނުރައްކަލެއް ކުރިމަތިވެދާނެކަމަށް ފެންނާތީއެވެ.
އެ 4 މީހުންވެސް ބަންދުކޮށްފައިވަނީ 15 ދުވަހަށެވެ. އެމީހުންގެ ބަންދުގެ މުއްދަތު ހަމަވާނީ 18 ފެބްރުއަރީ 2023ގައެވެ.
އެމީހުން ހައްޔަރުކޮށްފައިވަނީ ގާނޫނާ އެއްގޮތަށް ކަމަށްވެސް އަމުރުގައި ބަޔާންްކޮށްފައިވެއެވެ.
ކްރިމިނަލް ކޯޓުގައި މި އަމުރު ނެރުއްވީ އެ ކޯޓުގެ އިސްގާޒީ އަހުމަދު ޝަކީލެވެ.
