މާލެ ސަރަހައްދުގައި އަސްކަރީ ތަމްރީނުތަކެއް ކުރިއަށް ގެންދަނީ
31 ޖެނުއަރީ 2023 | އަންގާރަ 15:43މި ތަމްރީނުތައް ކުރިއަށްދާނީ ފެބްރުއަރީ 1 އިން 9 އަށް
ތޯހިރާ އަޒްހާރް | 31 ޖެނުއަރީ 2023 | އަންގާރަ 15:43
އެމްއެންޑީއެފް
މާލެ ސަރަހައްދުގައި އަސްކަރީ ތަމްރީނުތަކެއް ކުރިއަށްގެންދަން ނިންމައިފިއެވެ.
މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް)އިން ބުނީ އިނގިރޭސިވިލާތުގެ ރޯޔަލް މިލިޓަރީ ޕޮލިހާއި، އެމްއެންޑީއެފް ގުޅިގެން އަސްކަރީ ތަމްރީނުތަކެއް ކުރިއަށްގެންދަން ނިންމާފައިވާކަމަށެވެ.
މި ތަންރީނުތައް ކުރިއަށްދާނީ ފެބްރުއަރީ 1 އިން 9 އަށެވެ. މާލޭގައާއި، ހުޅުމާލެ ފޭސް 1 އަދި 2 ގެ އެކި އެކި ލޮކޭޝަންތަކުގައި މި ހަރަކާތްތައް ކުރިއަށްދާނެ ކަމަށް އެމްއެންޑީއެފްއިން ބުނެފިއެވެ.
މި ހަރަކާތްތަކުގައި ހަތިޔާރާއެކު ސިފައިން ހަރަކާތްތެރިވާނެ ކަމަށް އެމްއެންޑީއެފްއިން ބުނެފައިވެއެވެ.
