އިންޑިއާގެ ކޮޗިންއިން ދިވެއްސަކު ގެއްލިގެން ހޯދަނީ
31 ޖެނުއަރީ 2023 | އަންގާރަ 13:49ގެއްލިގެން ހޯދަމުންދަނީ ކ. ތުލުސްދޫއަށް ނިސްބަތްވާ މުހައްމަދު މަހުދީ ނަމަކަށް ކިޔާ 35 އަހަރުގެ މީހެއް
ގެއްލިގެން ހޯދަމުންދާ މަހުދީ
އިންޑިއާގެ ކޮޗިންއަށް ބޭސްފަރުވާއަށް ދިޔަ ދިވެއްސަކު ގެއްލިގެން ހޯދަން ފަށައިފިއެވެ.
ގެއްލިގެން ހޯދަމުންދަނީ ކ. ތުލުސްދޫއަށް ނިސްބަތްވާ މުހައްމަދު މަހުދީ ނަމަކަށް ކިޔާ 35 އަހަރުގެ މީހެކެވެ. އޭނާ ގެއްލިފައިވަނީ މިއަދު ހެނދުނު އަމްރިތާ ހޮސްޕިޓަލް ސަރަހައްދުންކަމަށް އޭނާގެ އާއިލާއިން ވަނީ ބުނެފައެވެ.
ގެއްލުނު ފިރިހެން މީހާ ހޯދުމަށް އާއިލާއިން ވަނީ، އިންޑިއާގެ ފުލުހާއި އަދި ފޮރިން މިނިސްޓްރީގެ އެހީއަށްވެސް އެދިފައެވެ.
މަހުދީގެ އާއިލާއިން ވަނީ އޭނާގެ އެއްވެސް ޚަބަރެއް ވެއްޖެނަމަ، މުހައްމަދު މަހުދީގެ ދައްތަ އާމިނަތު އަރުޝީ (7971667)އަށް ގުޅައި މައުލޫމާތު ހިއްސާކުރުމަށް އެދިފައެވެ. އަދި އެ ހިސާބުގައި އުޅޭ ފަރާތްތަކަށް އަންގައި އެހީވެދިނުމަށްވެސް އޭނާ ވަނީ އެދިފައެވެ.
